Хокеарите сега можат да тренираат на вистински мраз. Тренинзите се категоризирани по возраст, од страна на реномиран тренер по хокеј од Русија, Димитри Незнамов во склоп на хокеарскиот клуб „Вардар” .

Дури и по завршувањето на зимската сезона, тренажниот процес продолжува, за да се одржи спремноста на хокеарите. Веднаш по завршување на сезоната, односно од 15-ти април хокеј арената ќе работи на пластични ламинат панели кои се лиценцирани и произведени од Viking ice LLC .

Подлогата е одобрена и сертифицирана од Меѓународната хокеарска федерација и се користи за професионален хокеј на мраз и уметничко лизгање.

Спортскиот центар БОРИС ТРАЈКОВСКИ има за цел да постави цврст темел во овој спорт кој ќе резултира со здрава иднина, а ќе развие уште една спортска гранка која досега граѓаните немале можност да уживаат.