Единствена комбинација од масни киселини?

И тоа од оние здрави масни киселини. Во минатото кокосовото масло беше демонизирано затоа што содржи заситени масни киселини, но овие се разликуваат бидејќи нивниот синџир е со средна должина и е поинаку метаболизиран. За разлика од масните киселини со долги синџири кои се штетни, оние во кокосовото масло имаат позитивен ефект врз мозокот. Диетите сиромашни со јаглехидрати, а богати со масти се испитуваат и сметаат за полезни кај заболувања на нервниот систем како епилепсија и алцхајмер.

Традиционалните консументи се меѓу најздравите народи?

Иако во западниот свет кокосовото масло важи за егзотична храна и храна која ја консумираат само оние кои се грижат за своето здравје, сепак во јужните делови од Тихиот Океан постојат народи кои дури 60% од дневните калории ги внесуваат токму преку кокосово масло. Токму тие полинезиски народи се меѓу најздравите, со никаква инциденца на кардиоваскуларни заболувања.

Зголемена потрошувачка на енергија?

Не е само битен бројот на калориите, туку и изворот. Повторно се враќаме на масните киселини со среден синџир. За разлика од долгите синџири, овие масни киселини доведуваат до зголемена енергетска потрошувачка што е еднакво на согорување на повеќе калории. Една студијаврз 40 испитанички со висок БМИ и абдоминално локализирано масно ткиво, резултирала со подобрување на БМИ и намалување на обемот преку супституирање на само 30 мл кокосово масло дневно.

Антибактериско и антимикотично својство?

Овој ефект на кокосовото масло доаѓа од лауричната киселина, која е застапена со речиси 50%. Во телото се метаболизира до монолауреат, супстанца со антибактериски способности која се бори со патогените бактерии како белиот стафилококус и габичките на кандида.

Позитивно делува и однадвор?

Освен како храна кокосовото масло е и одличен козметски продукт. Дава одличен ефект како маска за коса, а исто така и помага во намалување на првутот. Ја потхранува и штити и кожата подобрувајќи го нејзиниот липиден профил, а има и одреден заштитен фактор од сончевите УВ зраци.