Во финалната пресметка фудбалерите на Фудбалска Академија Пандев 10 Јуниор го совладаа скопски Металург со 2-0 и сосема заслужено се искачија на победничкиот трон. Бронзениот медал им припадна на Фудбалски клуб ЛГ Битола кои во „малото” финале триумфираа против Работнички со 3-1.

Во помладата категорија Фудбалски клуб Работнички до златото стигнаа победувајќи го битолскиот тим ЛГ со 2-1 во финалето. Бронзениот медал во категоријата 2004 година им припадна на Фудбалска школа Прилеп.

Покрај медалите на екипите учесници им беа доделени благодарници, а имаше награди за најдобар стрелец Теодор Перковски – ФК Работнички (2004 година) и Никола Димитриоски – ФК ЛГ Битола (2002 година) како и за најдобар голман Тони Силјаноски – ФК ЛГ Битола (2004 година) и Хадис Салоски ФА Пандев 10 Јуниор (2002 година).

На првиот турнир за деца во мал фудбал „Климент Колески” учествуваат шест екипи од земјава, а се играше во спортските арени „Билјанини Извори” и „Климент Колески”.

Oрганизаторот, фондацијата „Климент Колески” најавува дека дека турнирот во фудбал за деца ќе прерасне во традиција.