Пливањето е идеална спортска активност во текот на летниот период. Ако редовно тренирате пливање тогаш со сигурност сте запознаени со неопходноста од прописно и квалитетно загревање пред тренингот. Доколку, пак, сте почетници и допрва навлегувате во тајните на пливањето или пливањето го користите како дополнителен крос тренинг во редовниот тренажен процес, тогаш обрнете внимание на следниве совети.

Целта на загревањето пред тренинг или натпревар е да се подигне температурата на телото, да се зголеми циркулацијата и со самото тоа да се подобри флексибилноста на телото. Пливањето не е исклучок од ова правило. Напротив, постојат и тоа како добри причини речиси никогаш да не почнете да со пливачки тренинг без претходно соодветно да се загреете и истегнете.

Еве неколку практични совети кои ќе ви го олеснат патот до успешен тренинг:

• Пливањето е активност која го активира речиси целото тело. Затоа пред да почнете да со тренингот направете истегнување за секој дел од телото кое ќе трае од 10 до 15 секунди.
• Пред да започнете со истегнуваето загрејте ги мускулите со нежно испливување или забрзано одење. На тој начин подобро ќе се ослобдите до крутоста во телото.
• Доколку истегнувањето го правите во вода која е поладна, во паузата меѓу истегнувањата одете или џогирајте во место за да спречите падови на телесната темепратура. Колку е поладна водата толку повеќе време е потребно да се загреете.
• Откако ќе завршите со истегнувањето почнете со споро загревање (пливање)
• Иако пливањето е активност која има минимален импакт врз вашите зглобови, сепак дајте им време да се загреат. Постепено зголемувајте ја брзината и избегнувајте “спринтови” на почетокот од тренингот за да спречите можна повреда.
• Внимавајте на срцевиот ритам. Поентата на загревањето е тој полека да се покачува се додека не дојде во оптимален ритам.
• По завршување со тренингот задолжително продолжете со статични истегнувања во времетрање од 30 до 40 секунди