Наслов

Ресетирајте ги колковите за да го ресетирате грбот

Доколку грото од времето седите на своите работни места згрчени на столче, а сето тоа резултира со болки во грбот и замор, редно е да превземете нешто. Направете неколку вежби што ќе ви помогнат да ја подобрите постурата на телото, и што со сигурност ќе ви помогнат да се чувствувате подобро.

Неправилното држење на телото, во стоечка, а поготово во седечка позиција влијае негативно бидејќи доведува до сигнификантни промени во меките ткива на телото (мускулите, тетивите, лигаментите и фасциите) како и кај тврдите ткива како коските, 'рскавиците и дискусите.

Еве ја кратката равенка и запаметете ја:

  • неправилно држење на телото + време = дегенерација + болка

Што против тоа?

Постојат милиони вежби кои би можеле да направат враќање на нормалната става кај човекот, но најдобри резултати се добиваат кога се таргетираат големите зглобови во телото: колковите.

Помогнете им (на колковите) за само 6 до 12 минути во денот со овие три едноставни вежби!

Ткивата на колковите и карлицата се носечката раскрсница на нозете и стапалата долу и 'рбетот над нив. Со подобрување на мобилноста и стабилноста на колковите директно се влијае на целото тело, а ставата ќе биде поисправена и балансирана.

Направете ги овие вежби 3 до 4 пати во неделата (до 6 пати, за поактивните) и веднаш ќе ја забележите разликата.

Што ви треба:

- Јога блок (како замена може неколку книги, поцврста перница, свиткани крпи или ќебе), престилка, еластична трака (може и без неа) и ѕид.
- Штоперка за одржување на една поза исто време (од 45 секунди до 2 минути)
- Длабоко и константно дишење

Прв стреч

  • Потпрете го крстот на јога блокот и цврсто поставете ја едната нога на ѕидот.
  • Завиткајте ги прстите (од раката) околу палецот (од стапалото) или, доколку не ви оди толку лесно употребете ја еластичната трака и завиткајте ја околу стапалото. Исправете го коленото како на сликата.
  • Осетете ги истегањата во задната ложа (на подигнатата нога) и предната ложа на другата нога.
  • Дишете длабоко од 45 секунди до 2 минути, а потоа сменете страни.

Втор стреч

  • Ставете ја карлицата на јога блокот и едната нога ставете ја цврсто на ѕидот.
  • Со спортивната рака фатете ја слободната нога (или опционално може со еластична трака) и истегајте ја ногата нагоре и нанадвор без да дозволите карлицата да мрда.
  • Дишете длабоко од 45 секунди до 2 минути, а потоа сменете страни.

Трет стреч

  • Поставете се странично, долната нога изротирајте ја на страна и стапалото поставете го на ѕидот исто така странично.
  • Држете ја слободната нога за потколеницата со спротивната рака (како на сликата) и исправајте ја пополека.
  • Осетете како се истега целиот карличен сегмент.
  • Дишете длабоко од 45 секунди до 2 минути, а потоа сменете страни.
04 Јуни 2013

За авторот