Наслов

Позитивни последици од негативниот склек

Силата и снагата се двата делови на тренингот без кои ниту еден спорт не може да се замисли. Постојат безброј вежби кои ги поттикнуваат и развиваат токму овие два аспекти на тренажниот процес , а меѓу сите нив недвојбено се издвојува и предничи склекот.

Склекот е невeројатно едноставна вежба составена од две движења: негативен (екцентричен) дел и позитивен (концетричен) дел, односно спуштање надолу и кревање нагоре. При изведувањето на склекови ги активирате рацете, рамената, грбот, градите и комплетната група на јадрени мускули. 

Оттаму не треба да изненадуваат и многуте варијации на тема склек и бескрајните можности за импровизирање кои ги нуди. Плус, ова е вежба која можете да ја изведувате буквално насекаде и на било каква подлога.


 9 МОДИФИЦИРАНИ ТИПОВИ СКЛЕК


Негативен склек во суштина е првиот дел (фаза) од вообичаениот склек. Разликата е во тоа што за разлика од обичниот склек, кај негативниот склек нема подигнување нагоре, односно се повторува само спуштањето и истото се прави споро.

Зошто?

Иако можеби целава вежба изгледа чудно, треба да знаете дека при екцентричните тренинзи (во случајов спуштањето надолу) вашите мускули се во можност да издржат речиси два пати поголема тежина од вообичаената. Тоа значи дека ваквиот тренинг ќе ви донесе поголемо цепење на мускулните влакна, одностно поголема мускулна маса.

Континуираното практикување на овој тип на тренинг ќе ви донесе и поголема сила за 20-50%. Исто така при ваквото вежбање докажано ќе заштедите на енергија и ќе добиете на флексибилност. Бонус е тоа што истото ќе ви овозможи поцврсти сврзни ткива (тетиви и лигаменти) кои се пресудни при превенција на повреди кај спортисти.

Негативниот склек е и извонредна вежба и за почетниците и за оние кои мака мачат со стандардниот склек. Пробајте и ќе се уверите дека вашата сила и снага за кратко време ќе имаат голем прогрес.

03 Јули 2016

За авторот