Наслов

Ако трчаш, трчај правилно

Не е битно како си облечен или дотеран за џогинг, не е битно каков модел на патики имаш (1960 година на летните олимписки игри во Рим, Абабе Бикила трчал бос на маратонот и победил) и не е битно дали те бркаат или бегаш или си на темпо, најбитно е правилно да трчаш.

Правилниот начин на трчање ќе ни овозможи ефикасност, брзина и се помалку непотребни и неприродни движења и притисоци на телото.

Еве неколку совети, ако ништо барем да се провериме.

-вашиот поглед треба да биде фокусиран на 3-6 метри пред вас,пред се заради правилниот став на вратот а на крај и за нормална визуелна заштита од опасни нешта не дај боже ендеци.

-трчајте секогаш со средната третина на стопалото со движење кон напред. Трчањето на прсти е неефикасно со последователен замор на подколените листови, а доскокот на пета со правец кон прстите е неефикасен и неприроден механизам.

-држете ги рацете свиткани во лактовите за 90 степени. Синхроното движење на дорниот дел на телото со рамената кординација го подобрува трчањето и одржува рамнотежа. Всушност рацете им даваат темпо на нозете и тие се одговорни за леснотијата во трчањето со лесен доскок.

-движењата треба да се во рамениците напред назад, а не во лактовите.

-лесниот испрсен став ви овозможи оптимален белодробен капацитет. Бидете исправени но со цело тело лесно наведнати малку кон напред-тежиштето треба да паѓа на предниот дел на стопалото.

-вашите шепи треба да видат лесно свиткани (како да држите јајце без да го скршите). Со ова избегнувате непотребни затегања на рамениците и вратот.

-непотребните поскокнувања се сигурна причина за брз замор.

-правилен начин на дишење во склад со вашето темпо е основната лекција. Најдобар шаблон е 2 : 2 или на секои два чекори вдишување а во наредните два издишување.


Трчајте со лесни чекори, нити круто нити опуштено и уживајте секогаш со позитивна мисла!

А горенаведеното графички објаснето би изгледало вака...

08 Април 2013

За авторот