Прво и многу важно пред да продолжите кон кратките совети е задолжително е да прочитате зошто РАЗНОВИДНОСТА ВО ТРЕНИНГОТ Е КЛУЧ ЗА СУПЕР ПЕРФОРМАНСИ т.е. да сфатите дека за да ја ќарите придавка „фит“, треба да вклучите поголема палета на тренинзи и вежби, а не да се заборавите единствено на една. 

Во продолжение пак, следат неколку совети како да направите мали промени во вежбањето кои може да ви донесат големи резултати доколку веќе некое време стагнирате на некое ниво. 

1. Направете замена – ако сте се заглавиле во летаргијата од исти вежби, со исти повторувања и тежини цело време, застанете и направете свесна замена. Еднорачните заменете ги со шипка, поздравете се со руското ѕвоно и почнете да дигате повеќе тежина отколку претходно. Пробајте и повеќе репетиции наместо помалку! Сето ова може да ви донесе дополнителен прогрес во тренингот. 

2. Вежбајте слично, но различно – Наместо вежби со буткање на тежина (бенч преса итн.), внесете вежби со влечење на тежина (кревање на вратило, веслање и слично). Додадете повеќе вакви вежби и дефинитивно за брзо време ќе ја видите разликата.

3. Како ви оди со рамењата? – ако не ви оди со зголемување на муслулна маса во рацете и градите, работете малку повеќе на рамениците. Тие се клучот на горната мускулатура. Со редовниот тренинг за рамо ќе ги зајакнете зглобовите со што ќе бидете во можност повеќе да ја развиете цела останата горна партија од телото.

4. Вежбајте малку и со сопствена тежина – наместо фиксираните движења со тегови, внесете малку тренинг со сопствената тежина. Тој е одличен за развивање на функционална сила која ќе ви биде при рака секогаш. 

5. Запнете го трупот – Се` паѓа во вода ако немаш добро развиени мускули на трупот. Внесете повеќе изометрија и работете го секој сегмент од абдоменот, грбните мускули и мускулите кои го поддржуваат рбетот.