Лична карта на Брпи – Burpee

Татко на Брпи (вежбата) е американскиот физиолог Ројал Х. Брпи кој во 1930 година го создава Брпи тестот а подоцна во 1940 ја промовира и како вежба која е дел од негов стручен труд да развие модел како на најпрактичен и едноставен начин да се подобри фитнес нивото. Вежбата станува популарна во САД  кога армијата ја става во својата тренинг програма за своите регрути кој се подготвуваале за фронтовите на втората светска војна.

Ќарот од Брпи

Брпито е компилација од неколку споени движења во една кованица кој што го вклучува и активираат целото тело. Затоа и не е случајно што е една од базичните вежби во Кросфитот, групните спортови а воедно и од тренинг програмите на воените единици. Само една вежба каква што е брпито може да ја стави вашата сила и аеробен капацитет на сериозен тест.

Бидејќи брпито го поместува телото од една во друга рамнина сериозно ја стимулира силовата компонента и е одлична како вовед , или основа на некој силов програм. После тренингот целото тело со сигурност ќе знае дека се правеле брпи. Со секоја репетиција, вие ги работите градите, рацете, рамото, слабините, стомакот и нозете.

Оваа вежба е високо интензивна и согорува многу повеќе отколку некој други конвенционални вежби што изолираат одредена група на мускули. Многу студии го потврдуваат ефектот на поефикасно согорување па дури и до 50% на ваквиот тип на вежби со висок интензитет каде што брпито царува. Освен ефектот за време на тренингот брпи ја зголемува брзината на метаболизмот и помага да согорувате салце и во текот на денот.

Подобрувањето на општата кондиција со брпито е загарантирано, многумина освен што прават стомачни за да отцртаат решетки, или пумпаат бицепс во големина на мало дињче забораваат и дека треба да го вежбаат секој дел од телото и постојано игнорираат да спроведат нешто поразлично. Запомнете, вежбањето е за целото тело, за подобрување на неговата функционалност, кондиција и општа психофизичка состојба на личноста, а не само за одредени партиди од телото.

За да направите брпи не ви треба ништо друго освен вашето тело, под, и железна воља да се подиспотите и задишете.

Како да го направите брпито

и покрај многуте модификаци, како и да го направите брпито секогаш дава одлични резултати. Доколку сте тренер сместетего во вашите програми за спортистите или клиентите. нема да згрешите воопшто.

 Брпи со дозирање

Бидејќи е интензивна вежба не е за потценување и со сигурност нема да ви биде лесно да го направите со многу повторувања и серии доколку не сте во одлична форма. Еве неколку сугестии камо можете да го дозиѕраѕте брпито.

Скала со спуштање/ Почнете со 10 Брпи, одморете една минута и следната серија направете 9, продолжете така со намалување на бројот на повторување а паузата останува иста се до изведување на само едно повторување.

100 брпи/ Направете 100 Брпи најбргу што можете,  со тоа што сигурно ќе направите 20 во првата минута и после ќе почувствувате како секој нареден брпи е се потежок и потежок, адаптирајте според можностите и правете го секој нареден со динамика која можете да ја изведете се додека не го удрите плафонот од 100 брпи. Горе долу ќе ви бидат потребни 10тина минути

Брпи за 2 минути/ Пуштете штоперка и правете најмногу што можете за време од 2 минути. Бројот на изведени брпи ќе ви биде реперза прогрес во иднина.