Еден HIIT тренинг се состои од многу кратки исцрпувачки вежби. Но луѓето различно му пристапуваат на ваквиот тренинг. Некои прават едно исцрпувачко 4-5 минутно трчање или возење точак, еден интервал и толку. Други го практикуваат стандарниот начин што инволвира неколку брзи повторувања на вежбите до исцрпување, поделени со краток одмор или полесни вежби. Некои луѓе изведуваат вакви сесии два-три пати неделно, други ги прават скоро секој ден. 

Минати студии на оваа тематика со мерење на промените во клеточните маркери, утврдија дека стандардниот краток, експлозивен високоинтензивен тренинг може да ја подобри аеробната кондиција до 10 пати повеќе од умерениот тренинг за издржливост. Но научниците не одредија дали еден единствен високоинтензивен интервал може исто така да ја подобри кондицијата, или да го одредат идеалниот број на вакви тренинзи неделно.

За да се разјаснат овие прашања, научници во две лаборатории опремени специјално за HIIT истражувања, решиле да откријат повеќе за тоа кој е најдобриот начин за да се практикува интервален тренинг. 

За експериментот биле земени 17 здрави мажи и жени, кои биле поделени во групи на кои им бил доделен различен високоинтензивен интервален тренинг.

Првата група од 10 луѓе тренирале секој ден со тоа што еден ден имале возење статичен велосипед со висок интензитет во повеќе кратки интервали од 30 секунди, со паузи помеѓу интервалите. Наредниот ден имале возење статичен точак со истиот интензитет во продолжено време од 4 минути. 

Другата група тренирала 3 пати неделно со возење статичен точак во еден продолжен временски сет од 4 минути.

Кога резултатите биле средени и споредени, се покажало дека има забележливи и до одреден степен ”чудни” физиолошки разлики помеѓу групите.

Од една страна, истражувачите откриваат дека нема големи варијации во тоа како мускулите на луѓето од првата група реагираат на една сесија интервален тренинг во споредба со стандардниот тренинг во повеќе интервали и мали паузи. Во двата случаи, првата група покажала моментални зголемувања веднаш по тренинг сесиите на нивоата во крвната плазма на одредени протеини кои се поврзани со подобрувањето на прагот на издржливост односно капацитет. 

Но кога истражувачите ја проверуваат крвта и мускулното ткиво на втората група откако ја завршиле сесијата од 6 недели со еден продолжен интервален тренинг, некои од очекуваните подобрувања не се случиле. Мускулните ткива на овие луѓе на крајот од експериментот имале само просечна количина на хемикалии кои им помагаат на клетките да продуцираат повеќе енергија, што е важен маркер на кондицијата.

Ова откритие е спротивно на резултатите од минатата работа на истите истражувачи, во кое тие открија дека за време на 6 неделна стандардна програма на високо интензивен интервален тренинг луѓето се здобиле со значителни продолжителни зголемувања на овие маркери. 

Практично кажано, пред да се впуштите во вашиот тренинг, проверете дали постојат научни факти кои ја поддржуваат верзијата (шемата) што ја употребувате. 

Ова предупредување е потенцирано поради добиените резултати од една неодамнешна студија за интервален тренинг. Во овој случај научниците побарале од доброволци да направат вкупно 24 стандардни HIIT сесии за време на три или осум недели, што значи дека доброволците тренирале 3 пати неделно или скоро секој ден, а понекогаш и 2 пати во еден ден. 

Кога завршило времето предвидено за тренирање, оние што направиле 3 HIIT сесии во неделата ја подобриле својата издржливост за 11 проценти. Но оние што вежбале секојдневно покажале помало подобрување, а во некои случаи издржливоста дури им се намалила.

Дури откако тие доброволци престанале да тренираат, нивниот аеробен капацитет се зголемил. По 12 дена одмор, нивната издржливост кулминирала со плус 6 проценти од стартната позиција што, според истражувачите, сугерира дека секојдневните високо интензивни интервални сесии се премногу чести и исцрпувачки. Во таа ситуација, заморот ја попречува физичката адаптација.

Сума сумарум од двете студии кажува дека најдобро е, доколку сакате да практикувате високо интензивен интервален тренинг, да се придржувате до она што e докажано како ефективно. Неколку сесии неделно со интервали од 30-60 секунди до откажување, проследени со минута одмор и 1-4 повторувања. 

извор