Тука најинтересно беше тоа што дојдовме ненајавени, т.е. инструкторката Христина не нè беше најавила на нејзините девојки, па така, не дозволивме срамот да ни ги осиромаши кадрите и се појавија сите, сите кои одбрале ваква феноменална работа за нивното здравје и изглед.

Домаќинка ни беше одличната Христина Ристевска, м-р по кинезиологија на ФФК и аеробик инструктор цели 11 години која работи во аеробик клубот „Енерџи”. Со цел да се задржи позитивната енергија, програмата која се нуди на репертоарот на клубот е комбинирана од нови трендови, па така освен HI-LO aeobic застапени се и TAE-BO, TOTAL TONE, STEP AEROBIC, FIT ball и FUNCTIONAL WORKOUT, како и пилатес и стречинг вежби на секој час.

Програмата се реализира со реквизити како степери, мали пилатес топки, еластични траки, мали тегови, јаженца со секогаш нова и хит музика. Христина своето знаење редовно го надоградува со учество на бројни аеробик и фитнес конвенции и семинари и беше презентер на „Првата аеробик конвенција во Македонија” како и на NOW WE MOVE – oтворен аеробик ден во Битола, организирани од страна на Федерација за рекреативен спорт на Македонија.

Сè уште трае поврзвањето со Битола, бидете на линија.