Наслов

За најпиколините

Студено е, сиво или сте заглавени некаде каде што има многу... односно затворени по дома. Па затоа, еве неколку активности со кои што можете да направите да ви е забавно вам и на најмалите. Прекршете неколку правила по пат.

Значи скратете на рестрикциите што важат во вашиот дом, па нека е и малку несредено.

Предлог 1: Градете "планини" или "куќички" со перници и некои делови од каучот. Малецките ќе уживаат да се пикаат во нив, под нив, да ги рушат и слично.

Предлог 2:
Не за џабе децата уживаат да се цртаат, мислам да се чкртаат себе. Па зошто да не им се придружиме и ние возрасните. Сега барем има избор на face paint (бои за тело и лице), меки четки и сунѓерчиња, маркери што лесно можат да се отстранат. Седнете некаде во дневниот простор, поставете чаршав или било какво платно за да го заштитите подот и килимот и уживајте. Цртајте ги нив и дозволете тие вас да ве украсат.

Предлог 3: Доколку сте заглавени некаде поради снег или пак сте на планина во викендичка и сакате да останете на топло, донесете го снегот внатре. Наполнете корито или леген со снег, поставете некое платно или мушама на подот и принесете уште некои реквизити: чашки, кутлачи, ако не ви е премногу хаотично можете и да го боите снегот со washable темперни или водени бои. Пиколините ќе "готват", мешаат, бојат и уживаат.

Предлог 4: Седењето по дома е седење по дома, преместување од еден на друг кревет, кауч. Е па време е за малку спорт! Направете патека со "пречки" од она што ќе ви се најде: перници, столици, топчиња, кутии, играчки кои може да се јаваат/возат (коњче, количка за пиколините од 9 месеци до 2 години). Нека малецките се протнуваат, прекачуваат, ползат и сл.

Предлог 6: Кујната е уште една соба каде што може да е забавно. Замешајте брашно со вода и сол и ќе добите ефтино playdough, сигурно имате калапи за колачи во различни форми... забавувајте се; пресечете компири на половина, земете темперни бои или водени бои и правете печати на листови хартија.

 

Овие неколку предлози за забава по дома ќе ви го ублажат времето поминато во затворен простор. А овие се некогаш и најнезаборавните моменти од развојот на вашите мили. Овековечете го "хаосот" со фотографии.

02 Јануари 2014

За авторот