Шеќер, Sugar, Zucherooo

Наслов

Од шеќер до шеќер ИМА разлика

Иако шеќерите се составен елемент од секоја храна и претставуваат најважен достапен извор на енергија, во денешно време тие имаат и доста лоша репутација, а тоа е како резултат на тоа што децата конзумираат неколку пати повеќе шеќер од препорачаните количини.

Ваквото зголемено конзумирање на шеќер придонесува до зголемена тежина и појава на хронични заболувања како дијабетес и зголемен крвен притисок. Со избор на правилна храна за вашето дете, можете да го ограничите внесот на шеќери до нормални граници.

Од каде да почнете?

Ако пробувате да го намалите внесот на шеќери на дневно ниво кај вашете дете, прво започнете со препознавање на скриените шеќери во храната. Овде спаѓаат густите овошни сокови на кои пишува 100% природно, ледени чаеви, голем број на „здрави" чоколади од житарици во кои најчесто се додава шеќер.

Исто така, можете да ја прочитате амбалажата на производот и доколку во листата на состојки има малтоза, сахароза, фруктозен засладувач тоа индицира дека има додатоци на шеќер.

Јаглехидрати (сложени шеќери) кои се здрави, можете да ги најдете во следниве производи:

Целозрнести житарки
• Интегрален ориз
• Интегрални тестенини
• Овошје
• Зеленчук
• Млечни производи со мал процент на масти

А зошто баш целозрнести житарки или интегрални тестенини?

Целозрнестата храна се разградува побавно, па така јаглехидратите навлегуваат побавно во телото, а така на телото му е полесно да го регулира нивото на шеќер во крвта и да спречи негови нагли осцилации.

Целозрнестата храна е богата со растителни влакна. Исхрана богата со растителни влакна штити од дијабетес и срцеви заболувања, а во комбинација со доволно течности тие го подобруваат движењето на храната низ дигестивниот систем и штитат од различни видови на канцер. Растителните влакна даваат чувство на ситост, па со тоа се намалуваат и шансите да се прејадете.

Целозрнестата храна е богата со витамини и минерали како витамините од Б групата, магнезиум и железо.

24 Јануари 2014

За авторот