Комерцијален текст
Видео рецепт: Домашни њоки со Песто сос од спанаќ
Фичо ќе ни открие како самите дома да направиме њоки од компир. Тој ќе ги комбинира со брз домашен Песто сос од спанаќ.
- За ЊОКИТЕ ќе ви треба:
- 1 шолја варени компири
- 1 јајце
- 2 шолји брашно
- За ПЕСТО ќе ви треба:
- 2-3 раце спанаќ
- 1 чешне лук
- 1/2 шолја маслиново масло
- малку пармезан, сол и бибер
- павлака за готвење
Подготовка
1 Компирите ставете ги да се варат. Оставете ги да се оладат и испасирајте ги. Потребна е една шолја пасиран компир. Ставете ги компирите во сад и додадете го брашното и јајцето. Замесете убава смеса, завиткајте во фолија и оставете да одмори 10 минути.
2 Смесата поделете ја на 4 дела. Од секој дел формирајте долгнавеста форма и сечете форми и димензии на њоки. Со виљушка притиснете ја секоја њока за да може сосот да се задржува. Извалкајте ги во брашно и тргнете ги на страна, додека да зоврие водата во која што ќе се варат.
3 Во Нутрибулетот ставете ги сите состојки за пестото и убаво изблендирајте.
4 Њоките варете ги додека не испливаат на површината. Тоа е знак дека се варени.
5 Во тава ставете ја павлаката за готвење да се загрее, додадете го пестото и њоките и убаво промешајте.
6 Сервирајте со рендан пармезан!
* Рецептот е подготвен за 4 лица, а времето за подготовка е од 30-60 минути.