Комерцијален текст
Видео рецепт: Селска торта
Фичо ќе направи едноставен десерт, со домашен пудинг крем, ореви и чоколадо.
- 1 л. млеко
- 6 јајца
- 150 гр. густин
- 50 мл. вода
- 300 гр. шеќер
- 100 гр. темно чоколадо
- 100 гр. ореви
- 100 гр. суво грозје
- 400 мл. слатка павлака
- готов пандишпан за торта
Подготовка
1 Млекото ставете го во сад и загрејте го да проврие заедно со шеќерот. Во друг сад растворете го густинот со водата. Јајцата изматете ги додека да добиете еднолична смеса. Соединете ги јајцата со густинот и измешајте повторно. Смесата со јајца додадете ја на млекото што врие. Мешајте додека да се добие густ крем и тргнете го од рингла. Оставете го да се олади.
2 Слатката павлака изматете ја додека да добиете цврст крем. Додадете ја матената слатка павлака на оладениот крем со јајца. Убаво измешајте да се соединат.
3 Сувото грозје прелејте го со рум и оставете го да го впие румот. Со сецко измелете ги оревите.
4 Кремот поделете го на два дела. Во првиот дел додадете го сувото грозје, темното чоколадо и 40 грама од мелените ореви. Во вториот дел од кремот не додавајте ништо.
5 Пандишпанот натопете го со сок од јаболка или праска, па редете: пандишпан, темен крем, пандишпан, светол крем. На крај посипете со мелени ореви.
6 Сервирајте во чаша со црпалка за сладолед, или пак сечете класични парчиња торта! Прелијте со чоколаден прелив.
СОВЕТ: Ако сакате да направите домашен пандишпан, погледнете како го прави Фичо во видеото.