Расцветан кромид

12:00 - 20 Окт 2015

Го начекавме и го пазаривме, најголемиот кромид што сме го виделе досега. И ќе ни беше криво ако завршеше во секојдневна обична салата. Затоа го одбравме овој прекрасен рецепт за печен кромид за да поуживаме во презентација и во вкус…

 
  • 1 голем кромид
  • 2 јајца
  • 1 лажица сенф
  • 30 грама пармезан
  • 1 црвена пиперка
  • 1 лажица путер
  • 2 големи лажици лебни трошки
  • 1 лажица оригано
  • сол и бибер
 

1. Кромидот се расекува со нож но не целосно и се прават осум засеци така што се дели на 16тинки.

2. Нежно се отвара и се премачкува со изматените јајца со сенф.

3. Се прави мешавина од лебни трошки, пармезан и оригано, па се посипува врз кромидот. Може ќе треба со рака да ја пориснете мешавината за добро да се залепи.

4. Пиперката на тенки резанки се става во засеците.

5. Садот за печење се премачкува со путер, а кромидот треба да се пече покриен со капак или фолиjа околу 15 минути на 200 степени, а потоа се вади фолијата и се пече уште 40 минути или додека да пожолти.