Мармалад од домашни сливи-џанки
12:00 - 28 Авг 2013
Вкусен, киселкаст мармалад за мачкање на домашен леб или на подиетални палачинки. Или како сакате вие…
- 1кг сливи
- 250мл јаворов сируп
- 250мл агавен сируп
- * доколку сакате мармаладот да ви биде поблаг можете да си додадете и кафеав шеќер според вашиот вкус
Подготовка
1. Сливите убаво се мијат и се варат на тивко околу 45 минути.
2. Се пасираат на преса (можете и во блендер), и содржината повторно се враќа на варење уште некое време.
3. Кога ќе се згусне, се додаваат засладувачите по желба и мармаладот се вари уште 15тина минути.
4. Се собира во теглички, убаво се затвораат и се завиткуваат во подебела ткаенина.