Иранска салата
Вкусен експеримент за салата особено доколку ја почитувате ориенталната кујна и вкусови.
- 2 лажици суво грозје
- 1 лажица маслиново масло
- 1 кромид
- 250г спанаќ
- 1/4 лажиче куркума (турмерика)
- 200г павлака
- сок од 1/2 лимон
- природна сол
- бибер
Подготовка
1. Сувото грозје се става 20 минути во млака вода за да набабри.
2. Кромидот се сецка и се пропржува кусо време, а потоа му се додаваат куркумата и сувото грозје со малку вода за да се динста 2-3 минути.
3. Спанаќот се бланшира 5 секунди во врела вода и се лади во студена вода.
4. Се сецка на крупно и се исцедува.
5. Потоа сите состојки се додаваат и се соединуваат со павлаката.
6. Зачин по вкус.