Наслов

Останете сити подолго време

Она што ви потребно кога се ослободувате од вишокот килограми е да најдете начин да бидете сити, а да не консумирате премногу калории. Вашата приказна со слабеењето може да биде со среќен крај, а попатно не мора да бидете истоштени и прегладенети...

За долготраен ефект и успех во вашата мисија за анулирање на вишокот килограми од особено значење е да бидете сити, наместо прегладнети и да го барате најмалиот извор на калории. Следуваат неколку совети кои ќе ви помогнат оброкот да го издизајнирате така што ќе останете сити подолго време и ќе консумирате поздрави калории

ПРОТЕИНИ, МАСТИ И ДИЕТАЛНИ ВЛАКНА

Кога си подготвувате оброк трудете се истиот да се базира на некои од овие макронутрициенси, наместо на јаглехидрати. Протеините и мастите важат за подолготраен извор на енергија, а диеталните влакна даваат волумен и овозможуваат да се чувствувате сите подолго време.

ХРАНА СО ВОЛУМЕН И МАЛКУ КАЛОРИИ

Токму таква храна се свежото овошје и зеленчук. Тие спаѓаат во категорија која додава помалку калории, а придонесува да се чувствувате сити подолго време заради високата содржина на диетални влакна. Освен волумен, диеталните влакна ја успоруваат апсопцијата и подолго време го одржуваат апетитот под контрола.

НАПОЛНЕТЕ ЈА ЧИНИЈАТА

Се што планирате да изедете ставете го во една чинија. Психолошкиот момент е ообено важен. Вашиот мозок ќе регистрира дека добивате адекватна количина на храна.


УСПОРЕТЕ ГО ЈАДЕЊЕТО

Не брзајте за да го изедете оброкот и да завршите со таа „обврска“ во денот. Истражувањата велат дека луѓето што јадат поспоро и се фокусирани на храната што ја јадат, внесуваат помалку калории. 


ОДМОРЕТЕ 15 МИНУТИ ПРЕД РЕПЕТЕ

И веројатно нема ни да го посакате повторно. Едноставно ако не оставите доволно простор за комуникација помеѓу стомакот и мозокот дека сте сити може да се прејадете, без воопшто да ви е потребно репете. Секогаш чекајте барен десетина минути пред да си наполните втора чинија.

ХИДРИРАЈТЕ СЕ

Секогаш пијте вода. Без разлика дали е пред оброк, по оброк или помеѓу оброците. Волуменот на водата што ќе ја испиете може да даде чувство на ситост подолго време, а и на телото му се потребни течности за да функционира беспрекорно.

СЛУШАЈТЕ ГО ТЕЛОТО

Најважно од се е да го слушате телото кога ќе ви покаже дека е доста. Ако сте присутни и обратите внимание самиот организам ќе ви испрати сигнал дека е доволно. Ако храната повеќе не ви е вкусна како на почетокот од оброкот, ако го спуштате приборот за јадење или имате потреба да направите пауза за време на јадењето веројатно веќе сте сити и треба да си кажете стоп.

02 Март 2016

За авторот