Диеталните влакна претставуваат делови од растителни продукти кои нашиот организам не може да ги преработи или апсорбира. За разлика од другите макроелементи како јагленохидратите, мастите и протеините, влакната не се подложни на дигестија туку поминуваат релативно нечепнати низ нашиот стомак па се до нивниот излез од него.

Постојат два вида на диетални влакна:

• Растворливи влакна: тоа се тип на влакна кои во водена средина се раствораат во форма на гел и помагаат во намалувањето на крвниот холестерол и нивоата на шеќер. Овие влакна се составен дел на овесот, грашокот, гравот, јаболката, морковите и цитрусните овошја.
   
• Нерастворливи влакна: овој тип на влакна го стимулира движењето на содржината низ нашиот дигестивен систем и го зголемува волуменот на сотлицата, па затоа се полезни кај оние кои имаат проблеми со запек и ирегуларни столици. Полнозрнестите житарки, јатките, гравот и зеленчукот како карфиол, грашок и компир се добар извор на ваков вид на влакна.

Што фајде има нашиот организам од диета полна со вакви влакна?

Нормализирање на перисталтиката

Тие ја зголемуваат тежината и волуменот на столицата, а со тоа таа станува помека. Така, непотребните работи можат полесно да поминат, со што се намалува шансата за констипација. Спротивно пак, доколку имате проблеми со дијареа влакната исто така може да помогнат.

Гит за проблеми во ГИТ (гастроинтестинален тракт)

Диета богата со диетални влакна превенира разни состојви како хемороиди и дивертикулуми. Со зголемување на пасажата низ цревата тие исто така го намалуваат ризикот од рак на дебело црево.

Намалуваат нивоа на холестерол 

Ова особено го промовираат растворливите влакна кои го намалуваат вкупниото ниво на ЛДЛ холестеролот

Ги контролираат нивоата на шеќер во крвта

Поготово кај дијабетичари влакната може многу полезно да делуваат бидејќи тие го успоруваат процесот на апсорпцијата на шеќери. Оние пак што немаат ваков проблем лесно може да го превенираат дијабетесот консумирајќи диета богата со влакна.

Помагаат во одржување на тежината

Храната која е богата со вакви влакна генерално има потреба од подолготрајно џвакање, што му дава време на организмот да регистрира дали сè уште сте гладни или не. Исто така, ваквата храна го прави оброкот поголем со што вие останувате подолго време сити.

Колку е потребно на дневна база?

Мажи до 50 години – 38 грами дневно
Мажи над 50 години – 30 грами дневно
Жени до 50 години – 25 грами дневно
Жени над 50 години – 21 грам дневно

Ориентационо, едно просечно јаболко има 4,4g, една круша има 5,1g, а леќата, гравот и грашокот имаат над 15g на порција од 100g.