Наслов

Дотерување на една брокула

Во обид да направат подигнување на угледот на брокулата, која барем во САД се смета за широко омразен зеленчук од некои причини, Мајкл Мос, уредникот на секцијата „Храна“ за Њујорк Тајмс прави репортажа за маркетинг агенцијата која добива задача да го промовира токму овој зеленчук со агенда и план сличен на големите компании како Кока-кола и Пепси.

Една од идеите за првиот дел од кампањата

Задачата ја добива маркетинг агенцијата Victors & Spoils која има креирано некои од најпознатите кампањи за брендовите кои се на дијаметрално спротивната страна на индустријата за храна, односно продаваат џанк фуд. 

Иако досега, агенцијата во главно работела проекти кои промовираат некој високо преработуван продукт од некоја огромна компанија кој што оди како алва во САД, а од тоа се вртат огромни финансии, тие го прифаќа предизвикот и решаваат да се пробаат на ова поле.

Најпрво, целиот тим си прави ручеци и шведски маси исполнети со разни специјалитети во кои сите оброци се направени со брокула, а додатно разговараат со кулинарски експерти и земјоделци во врска со проблемот.

По разни дискусии и брејнсторминзи тие доаѓаат до две маркетинг решенија преку кои брокулата ќе се здобие со подобар визуелен стил помеѓу популацијата:

Прво: Знаејќи со каква популарност се здобиваат двете фирми (без разлика кои) што се во една маркетинг „војна“ - како што беа Кока-кола и Пепси, Мерцедес и БМВ итн. тие во кампањата прават фиктивна маркетинг војна со друг зеленчук - kale (близок роднина до нашиот кељ кој се разликува од него само што не расте како главица зелка туку како листови) бидејќи токму овој зеленчук во последната година стана ултрапопуларен. Тој се смета за суперхрана итн. итн. 

Со ова рејтингот на брокулата во споредба со високо ценетиот кељ се дига, а кампањите, самите по себе звучат прилично интересно. 

Второ: Бидејќи и популарноста на кељот инстантно би се дигнала со самата кампања, тие измислуваат друга, одделна, каде брокулата го има централното место односно се преувеличува со тоа што се прави „алфа“ зеленчук. Во банерите, таа е дел од секој оброк, го заменува стекот, се наоѓа како реклама на колите од Наскар, имаат измислено Броктоберфест итн. со што брокулата повторно добива предност.

15 Ноември 2013

За авторот