Чили сендвич со димен кашкавал
Најславното и најпознатото чили во Америка го готвеле браќата Кираџиеви, Атанас и Кире (таму познати како Том и Џон), уште од 1922 во Синсинати, Охајо, а денес нивниот бизнис успешно го води синот на Атанас, Џои Кираџиев преку познатиот ланец на ресторани „Емпрес“. Ова е нашиот обид за славниот чили сос.
Чили, всушност е специфично припремено мелено говедско месо, со многу медитерански и ориентални зачини и секогаш со лути додатоци (македонски гастрономски профил). Се служи во сендвичи со рендан димен кашкавал, како прелив за шпагети или во комбинација со варено гравче.
- 1 лажичка чили (мелен лут пипер)
1/2 лажичка мелен ким
1/2лажичка буковец
1/4 лажичка цимет
1/4 лажичка сол
1 лист дафинов лист
1/4 лажичка мелен бибер
1 голема лажица путер
1 кромид
2-3 чешниња лук
2 лажички ворчестер сос
100 мл. доматен сос
1 лажичка сенф
1/2 лажица оцет
1/2 шолја вода
300 гр. мелено говедско месо
50 гр.димен кашкавал
1. На путер се пропржува ситно сецканиот кромид со пресуваниот лук.
2. Се додава меленото месо, а потоа сите останати суви суви додатоци.
3. Потоа се додаваат и сосот од домати, сенфот и водата.
4. Се пржи околу 20мин со мешање.
Чили сосот е прекрасна основа за сендвичи и донери обогатени со рендан димен кашкавал.
Алал да им е на браќава Македонци, со вкусно македонско манџиче до голем гастрономски успех.