Комплетирана програмата по повод Светскиот ден на планината – 11 Декември
Со неколкучасовна програма во организација на Федерацијата на Планински спортови на Македонија, овој понеделник 11.12.2017, во киното Фросина – МКЦ, беа одржани неколку презентации и проекции со кои се дополни одбележувањето на Светскиот ден на планината – 11 Декември.
За почеток беше проектиран краткиот документарен филм – „Монте Бјанко Флеш” за македонскиот брзински рекорд на Александар Кирковски на Мон Блан оваа година, а потоа следеше презентација на Бојан Митаноски и Саша Грбиќ за успешното искачување на насоката “Зидвандвехтер” (600м M5 WI4+) на Гросглокнер.
Следна презентација беше успешното тројно високогорско искачување на Елбрус, Казбег и Арарат на членовите од ВАК Анапурна Марина Стојмирова, Ивица Митровски, Игор Марковски и Здравко Дејановиќ. Со едноминутно молчење беше оддадена почит за Ивица Митровски, нашиот млад, амбициозен и прерано загинат планинар.
Александар Кирковски ја презентираше трката во скајранинг – Ред Фокс Елбрус каде учествуваше заедно со Марјан Бонев и Дејан Тодевски, а го постигна нашиот најдобар резултат. Следеше делење на поедини признанија за повеќе личности и дела во планинарските спортови во 2017 година.
Вечерта ја затвори презентацијата на бугарскиот високогорец Бојан Петров – кој со неговите 10 искачени врвови повисоки од 8000 метри цели кон комплетирање на Хималајската Круна како прв бугарски, а воедно и балкански искачувач. Тој опфати две негови искачувања, но и голем дел од припремата и останатите подробности во овие експедиции, плановите за иднина како и неговата основна работа како зоолог кој собира и евидентира важни и ретки животински единки од овие изолирани локации.
Проекциите и презентациите беа вториот дел од одбележувањето на светскиот ден, откако, овој викенд на 10.12.2017 беше одражно традиционалното планинарење на релација Водно-Матка каде беше одржано свеченото доделување на плакетите за спортски достигнувања во полето на планинарењето – „Даре Џамбаз”.
Престижните плакети со ликот на Даре Џамбаз за оваа година ги добија:
- Гојко Геговски од Планинарскиот клуб Бистра – Гостивар – За животно дело, долгогодишна активност и придонес за развивање на планинарството во Македонија
- На Планинарското друштво Кожуф од Гевгелија, за долгогодишна активност и придонес за развивање на планинарството во Македонија.
- Александар Кирковски од ПК. Македон од Скопје за врвно спортско остварување во планинарството за 2017 година.
- ПСД Осогово од Кочани – Признание за постигнати извонредни резултати во планинарството за 2017
- За постигнати резултати во планинарството за 2017 година се додели на Иван Трпков од ПСК. Димитар Илиевски – Мурато од Битола,
- За постигнати резултати во планинарството за 2017 година се додели на Неби Хоџа од ПЕД. Шкупи од Скопје
- Кирил Филиповски – Успешно искачување на Елбрус 5642 мнв
- Дејан Тодевски – Успешно искачување на Елбрус 5642 мнв
- Марјан Бонев – Успешно искачување на Елбрус 5642 мнв
- Александар Кирковски – Македонски брзински рекорд на Елбрус 5642 мнв
- Игор Јовановски – Учество и логистика во акцијата “Алпи – Брзински искачувања 2017”
- Александар Кирковски – Македонски брзински рекорд на Мон Блан 4810 мнв
- Бојан Митаноски – Успешно искачување на насоката “Зидвандвехтер” (600м M5 WI4+) на Гросглокнер
- Саша Грбиќ – Успешно искачување на насоката “Зидвандвехтер” (600м M5 WI4+) на Гросглокнер
- Игор Радичоски – Успешно искачување на Гросглокнер 3798 мнв
- Петар Нолев – Успешно искачување на Гросглокнер 3798 мнв
- Илинка Ристевска – Успешно искачување на Гросглокнер 3798 мнв
- Влатко Крбалевски – Успешно искачување на Гросглокнер 3798 мнв
- Зоран Балуловски – Успешно искачување на Гросглокнер 3798 мнв
- Ирина Дишовска – Успешно искачување на Гросглокнер 3798 мнв, Елбрус 5642 мнв и Казбег 5033 мнв
- Здравко Дејановиќ – Успешно искачување на Елбрус 5642 мнв, Казбег 5033 мнв и Арарат 5137 мнв
- Игор Марковски – Успешно искачување на Елбрус 5642 мнв, Казбег 5033 мнв и Арарат 5137 мнв
- Марина Стојмирова – Успешно искачување на Елбрус 5642 мнв, Казбег 5033 мнв и Арарат 5137 мнв
- Ивица Митровски – принзнание за неговите достигнувања во текот на 2017 година
- Бојан Петров – Благодарница за посебен придонес во развојот на високогорството и експедиционизмот
- Горан Вуќиќ, Признание – за особен придонес во промоција на планинарските спортови.
- Томица Котевски – Искачување на Дамаванд и Казбег со турно-скии
- Јонче Илиевски – Искачување на Казбег со турно-скии
- Елена Џекова – Искачување на Елбрус 5642 и Казбег 5033
- Петар Герасимов – Искачување на Елбрус 5642 и Казбег 5033
- Дарко Вуловиќ – Искачување на Елбрус 5642 и Казбег 5033
- Тодор Ивановски – Искачување на Елбрус 5642 и Казбег 5033