Наслов

Нашата БЏЏ репрезентација со 5 медали на Србија Опен 2014

Одличен настап на нашите репрезентативци на турнирот кој се одржа овој викенд во Србија.

На вчерашниот силен турнир во Белград "Srbija BJJ Open 2014" македонската репрезентација за бразилска џиу џица под водство на селекторот Алексовски Ивица со 4-ца представници постигнаа извонреден успех и освоија 5 медали. На турнирот учестуваа квалитетни претставници од повеќе земји од Балканот, но и од Европа.

Стефан Пецевски освои еден златен медал во категорија и еден сребрен медал во апсолутна. Во финалето во апсолутна категорија во неговата 8-ма последователна борба загуби од 20 кг. потешкиот противник.

Александар Заткоски откако победи во финалето се здоби со златен медал. Нашата млада македонска надеж Никола Костадиновски откако победи две борби и се пласира во финалето поради неговата влошена здравствена состојба не беше во состојба да се бори поради исцрпеност, па загуби во финалето и го освои сребрениот медал.

Четвртиот претставник Бојан Диков откако победи една борба со зафат и се пласира во полуфиналето, по водство од 4:0 загуби од контраверзен зафат (притисок со стопалото на душникот) каде што судијата не го казни тоа, туку досуди крај на борбата во корист на противникот.

Како што ни изјави селекторот Алексовски ова се нашите млади надежи и иднина на нашата репзентација за бразилска џиу џица.

27 Октомври 2014

За авторот