Приказната во филмот ја следи една од најтешките ултра-маратонски трки во светот, Ултра Треил ду Монт Блан која го заобиколува масивот на Мон Блан во Алпите минувајќи низ три држави и 170 километри со цирка 9,800 метри денивелација.

Епската трка во последно време е екстремно популарна и привлекува многу учесници кои бараат задоволување на нивната љубопитност, често, не затоа што тоа ќе им донесе нешто валидно или материјално туку баш поради нешто многу посуптилно и длабоко.

Филмот ги следи животите на тројца ултрамаратонци, меѓу кои и овогодинашната победничка во женска конкуренција Рори Босио низ нивните настапи на УТМБ, но тоа ќе ве оставиме самите да си го откриете во филмот. Она другото што е многу поинтересно е приказната за нараторот во позадина т.е. човекот кој ги прави малите скулптури од метал и парчиња карпа.

Тежината и вистината во неговите реченици му даваат една посбна димензија на краткиот филм, а фузијата на овие четири карактери и приказни е на едно маестрално ниво.

Човекот е Енди Паркин, британски алпинист кој живее во Шамони веќе 30 години. Во младоста тој ги притискал границите на своите можности на различни локации низ Хималаите и Алпите, а неговиот живот добива сосема поинаков тек откако одвај преживува во сериозна несреќа на планина. Оттогаш тој се целосно се фокусира на уметноста и се пронаоѓа во правењето на мали скулптури од метал и прачиња карпи и дрва.

Приказната за љубопитноста, за убавината во која што таа може да те однесе, но и за трагичноста во која што може да се западне, за двигателот на нашето битие е всушност приказната на овој човек, но и на сите нас.

На оваа трка токму тој ја имаше задачата да ги изведе 30-те мали трофеи кои беа доделени на натпреварувачите на УТМБ. Македонија ја имаше честа да биде претставена од тројца натпреварувачи на епската трка оваа година, Светлана Стојаноска, Жикица Ивановски и Јовица Јованчев. Сите тие успеаја да ја завршат што е одличен резултат со оглед на тежината, а Светлана успеа да стане и прва Македонка.

Следи „Љубопитност“

ИЗВОР