Наслов

Кираџиева и Ивановски најдобри на 10 илјади метри

Денес на арената Филип Втори се одржа државно првенство на 10,000м. Трката се одржа во одлични временски услови, а на неа учествуваа 30тина атлетичари од повеќе клубови во машка и женска конкуренција.

Во женска конкуренција нашата најдобра маратонка Весна Кираџиева го освои првото место и постави национален рекорд во оваа дисциплина од 40мин 37сек. Втора беше Рената Соколовска, а трета Адријана Поп Арсова.

Во маска конкуренција нов државен првак на 10,000м е моментално нашиот најдобар атлетичар на средни и долги патеки Дарио Ивановски кој продолжува со фантастичната сезона. Втор беше Димитар Илиев кој е исто така млад талент и кој многу напредува и ветува со своите резултати, додека третото место му припадна на минатогодишниот шампион Атанас Анцевски.
Екипно во машка конкуренција првото место го освои АК Работнички, а кај жените АК Делта. 

23 Април 2016

За авторот