КАЧУВАЧИ, „НОСОТ“ ВИ Е ПРЕД НОСОТ
Како Стрит Вју го снимаше качувањето на Ел Капитан
12:00 - 29 Ное 2017
Уште пред некое време Гугл почна да го носи неговиот „Стрит вју” каде што апсолутно нема никакви улици, па од кујната на интернет гигантот излегоа доста интересни проекти преку кои со клик можеш да се прошеташ во базниот камп на Еверест, Мон Блан, древните манастири на Ангкор Ват, кањонот на реката Колорадо, Маунт Фиџи итн., но дефинитивно најинтересна од повеќе аспекти е посетата т.е. искачувањето на „Носот” на карпата Ел Капитан во Јосемити.
Благодарение на помошта од три врвни качувачи и своевидни легенди во спортот – Томи Калдвел, Лин Хил и Алекс Хонолд тимот на Гугл Стрит Вју успеа комплетно да го сними и мапира (во 360°) искачувањето на најпопуларната и класична рута на Ел Капитан – Носот, како и некои цугови од The Dawn Wall.
Во текот на оваа работа тимовите мораа да се справат со различни проблеми и предизвици при носењето и поставувањето на целата опрема како и снимањето на сегментите.
„Само затоа што патиштата завршуваат, и не сме во можност да возиме автомобил не значи дека таму нема работи кои сакаме да ги видиме” – вели Деана Јик, проект менаџерот на Струт Вју.
Започнете да го качувате Ел Кап подолу
Други активности во Стрит Вју