Акцијата започна во 08:00 часот, стартната точка на акцијата беше кај Машинската зграда над рудникот Тораница. Патеката е средно тешка каде имавме денивелација од 700 метри искачување исто толку и симнување. Патеката е долга околу 9км во еден правец и има 1 извор на вода. Накај 11:30 часот пристигнавме на врвот каде што направивме поголема пауза за уживање, фотографирање, доделување на благодарници и печати на учесниците.

Наша чест и задоволство е големиот број на учесници околу 190 луѓе од најразлични генерации. Од кои поголемиот дел млада и перспективна екипа за планинарење и узиванје на прекрасните места и врвови кои ни ги нуди природата. Голема благодарност до планинарите и планинарките од:

– ПД Куманово
– Зпзп Козјак 2013
– ПД Чеплес
– I love hiking – group Macedonia
– ПСК Скопска Црна Гора
– ПД Осогово Кочани
– Планинари од Неготино “Free Hikers”

Посебна благодарност и за подршката од Црвен Крст Крива Паланка и нивната екипа на терен.

За враќање назад имавме 3 варијанти…
Прва варијанта
13:30ч – Старт за подолгата патека која е долга околу 30 километри (Врв Руен – Сокол – Царев врв – врв Калин Камен – езеро под врв Калин Камен. На оваа патека совладувавме денивелација од 700 метри искчување и 700 метри спуштање. Оваа рута ја избраа 33 учесници каде сите успешно ја завршија.
Втора варијанта
14:00ч – Старт на групата за враќање назад кон Тораница по сртот покрај караулата Бождарица. Поголемиот дел од учесниците ја избраа оваа рута и по неа се вратија назад кај Машинската зграда над рудникот Тораница.
Трета варијанта
14:00ч – Старт на групата за враќање назад кон Тораница по истата патека по која и се искачивме нагоре.
16:00ч -18:00ч – пристигање на групите во градот и затварање на акцијата. За сите патеки ЗПЗП Калин Камен 2015 имаше обезбедено водичи.