Првично, уникатниот систем за затегање на сноуборд кондури Boa беше лесно да се претпостави дека ќе скокне и на скијачките, но ситуацијата со дизајнерските имагинации во фирмата оди далеку од ова. Впрочем, и самиот производ како сам да си го наоѓа патот до другите сфери на спортот и животот.

Системот за врзување го имаат искористено на сноуборд шлемови, за подесување на големината, веќе стана и дел од некои спортски патики (за трчање, алпинизам, велосипед), и спортски ракавици (било за возење велосипед, моторцикл итн.).

Следат, разни протези и простетични помагала  кои го имаат овој систем, бандажери за повреди на разни зглобови, ранци, шатори, голферски патики, па дури има и потковица (систем, чевла за копито) кој го има системот за затегање.

Фирмата веќе има 130 бренд партнери од 25 категории, а досега има исфрлено околу 800 различни продукти.

Инзвонредната едноставност и големата употребна вредност на системот ја внесува фирмата во втората успешна декада каде се очекува овој производ да се најде не само во спортската сфера, туку и на останатите полиња од човештвото.