Инфо

За завршетокот на месец септември по петти пат одиме на есенски викенд со вистинско уживање на падините на прекрасната Баба Планина и националниот парк Пелистер, одејќи на поход на 3 езера: Големото и Малото од Пелистерски Очи и Преспанското Езеро, со искачување на врвот Пелистер и посета на прекрасните преспански села Брајчино и Љубојно.

САБОТА 29.09.
Тргнување: од Скопје во 05 часот од Пошта 2 – Железничка, пристингување во с. Ниже Поле во 08:00 часот
Искачување до Планинарскиот дом „Димитар Илиевски – Мурато“ крај Golemo Ezero во должина од 3 до 3,5 часа по патеката низ Дебел Рид (има чешми на 3 места). Пристигнување и сместување во планинарскиот дом 11-12 часот.
За оние кои сакаат: Искачување на врвот Пелистер (2601 м.) – Антени со минување и пауза покрај Малото Пелистерско Езеро во траење од 2 – 2,5 часа или вкупно 4 часа (12 – 16 часот).
Враќање и уживање крај Големото Пелистерско Езеро. Ноќевање

НЕДЕЛА 30.09.
Тргнување од планинарски дом „Димитар Илиевски – Мурато“ крај Големото Пелистерско Езеро во 7 часот преку превојот кај Орлови Бари и камените реки на пределот Балтан Планина со спуштање низ густите шуми до селото Брајчино, од каде со превозот ќе продолжиме на капење и одмор на плажата Сливница на Преспанското Езеро по што заминуваме за Скопје.

Цена: 1100 денари
Пријавување: најдоцна до 27.09. кај Марио Шаревски – 071 216 066, купување карти: во Планинарско Друштво Трансверзалец (простории на СПУКМ секој ден од 8 до 16 ч. и состаноци во четврток од 20 ч.)

ВАЖНО: Поради ограничениот капацитет на планинарскиот дом, групата е ограничена и ќе се состави од првите 30 лица кои ќе купат карти.

УПАТСТВА:
– Задолжително е носење на добро разгазени планинарски чевли високи до глужд, а пожелно е носење на планинарски стапчиња особено за оние кои се (сметаат за) почетници.
– Деновите пред викендот се најавува заладување и врнежи, заради што е задолжително носење на топла облека со долги ракави и ногавици (особено за вечерните часови), кабаница за дожд и ветровка. (Временски прилики: https://www.yr.no/en/overview/daily/2-787138/Macedonia/Bitola/Pelister)
– Понесете и храна за 2 дена: подготвени сендвичи, житарки (енергетски плочки), свежо и/или суво овошје и јаткасти плодови. На патеката од Ниже Поле до планинарскиот дом имаме 3 чешми, а крај самиот дом има чешма со најстудената и убава вода во Македонија. На искачувањето кон врвот Пелистер (не ја знаеме состојбата со изворот под Малото езеро) и слегувањето кон Брајчино нема чешми и пожелно е да имате шишиња со 1,5 до 2 л. вода.
– Ѓубрето го собираме и носиме со себе се до Брајчино каде се првите контејнери за ѓубре

#УживајВоМАКЕДОНИЈА