Инфо

Македонската Алпинистичка Федерација, Ве поканува на презентација и дружење со еден од најголемите светски алпинисти на сите времиња, припадник на златното доба на Словенечкиот алпинизам, Силво Каро, роден во 1960 година.

Силво едноставно е легенда:

Тој остави свој белег насекаде: од Алпите до Патагонија па се’ до Хималаите. Неговото ремек дело е можеби насоката воспоставена со Јанез Јеглиќ -на западната страна на Багирати III (6454 м): линија од 1300 метри што вклучува VIII и А4, постигнати во прекрасен стил од 2-7 септември 1990 година.
Но, да не заборавиме дека две години претходно Каро и Јеглиќ, се искачија на јужната страна на Cerro Torre (3102 м), уште едно првенствено искачување, насоката Directisima del diablo, (1200 m, VII, A4 и AI5). Останувајќи на Торе: во 1986 година се искачува и Directisima del infierno (1200 м, VIII +, А4, М6 / 7 и АИ5) на источнaта страна, искачена со Јеглиќ, Франц Кнез, Павле Козјек, Петар Подгорник и Матијас Фистеравец. Неколку месеци подоцна (декември 1986), на блискиот Торе Egger (2850 м), Каро, Jeglic и Кнез ја завршија Psycho Vertical (950 м, VII +, А3 и 90 °), по што следеше: на северо-источната страна на Фиц Рој (3405 м), нова насока Diedro Дел diablo (950 м, VII и А2) од Каро и пријателите (1983).
Како што годините поминуваа, Силво никогаш не престана да качува и меѓу другото, во 2006 година го направи првото искачување на митската Eternal Flame на кулата Танго (6238 м).
Во 2010 година Силво Каро беше примен како почесен член во Британскиот алпинистички клуб.

Презентацијата е во организација на Македонската алпинистичка федерација, Силво Каро е прв пат во Македонија, ги разгледува алпинистичките локалитети кај нас и доаѓа на покана од нашиот колега, инструкторот по алпинизам Зоран Мајсторски од Радовиш од Алпинистички Клуб ПЛОЧА.

Голема благодарност до South East European University (SEEU) (Универзитет на Југоисточна Европа) за поддршката во организацијата на оваа презентација.

Ден: 06/10/2017 (Петок)
Почеток: 19:30,
Место: Амфитеатар на Универзитетот на Југоисточна Европа – во Скопје