Инфо

ПОКАНА
МЕМОРИЈАЛЕН МАРШ „ЧЕТИРИ АЛПИНИСТИ”
СОЛУНСКА ГЛАВА

Почитувани
По повод петнаесет годинини од несреќата во која животот го загубија нашите пријатели – алпинисти : Влатко Боцевски, Бранислав Ристовски, Огњан Филиповски и Предраг Толмачев, во периодот од 06-08.12.2013г. во организација на АК. „К2″ ќе се одржи традиционалното искачување на врвот Солунска Глава.
Ве повикуваме заедно да го одбележиме овој настан и да одадеме почит на нашите пријатели.

Програма на меморијалот:

Петок 06.12.2013г.

– Пристигнување и сместување во планинарскиот дом “Чеплес” во попладневните и вечерните часови.
– За оние кои не знаат или не се сигурни како да пристигнат до пл.дом “Чеплес” ќе биде обезбедена придружница. Оваа група ќе појде од Богомила (зборно место железничка станица) од 16:30 – 17:00 часот. АК. “К2” ќе се потруди да обезбеди транспорт за целата група до село Нежилово, а доколку тоа е изводливо (во зависност од условите на патот) и до самиот пл.дом “Чеплес”.
22:00 – Отворање на меморијалот.

Сабота 07.12.2013г.

08:00 – Старт на маршот. Посета на месноста “Горна Бабина Рупа” и искачување на врвот “Солунска Глава”.
16:00 – Ручек – планинарско гравче
18:00 – Потсетување на нашите другари (проекција на документарниот филм изработен во нивна чест)
19:00 – Проекции на филмови на тема планинарство и алпинизам.
21:00 – Планинарска вечер и забавна програма

Недела 08.12.2013г.
– Кратки прошетки
12:00 – Затворање на меморијалот
13:00 – Заминување

Напомени:
1. За искачувањето од пл.дом “Чеплес” до врв “Солунска Глава” задолжителна е зимска планинарска опрема (добри планинарски чевли, гамашни, топла облека, капа, ракавици и сл.).
2. Од Скопје на 06.12.2013г. (петок) со возот за Битола во 14:30 ч. ќе замине организирана група. За сте кои сакаат да се приклучат кон оваа група, зборно место се шалтерите на железничката станица, најдоцна до 14:10 ч.
Информации на телефоните: 075/303 988

Со спортски поздрав,
АК.”К2″