Скопје Трча 10КМ / Skopje Run 10K
Датум на почеток:
10.07.2018
Време на почеток:
07:00
Локација:
НАСТАНОТ ЗАВРШИ
else: ?>Време до почеток
Инфо
По успешното прво издание на СКОПЈЕ ТРЧА 10КМ во 2017 година, оваа трка прераснува во традиционална тркам, и оваа година ќе се одржи на 7 октомври со почеток во 9.00 часот.
Организатор на трката е Сојузот на спортови на Скопје (кој е организатор на Виз Ер Скопски Маратон и Авицена Женска Трка), во соработка со А.К.Работнички и Атлетската федерација на Македонија, и со помош на Министерството за внатрешни работи на Република Македонија.
Генерален покровител на СКОПЈЕ ТРЧА 10КМ е Агенцијата за Млади и спорт, покровител е Град Скопје, а огромна помош имаме и од нашите партнери и спонзори. Оваа трка е влезена во календарот на Атлетската федерација на Македонија (АФМ) и Европската Атлетска Асоцијација (ЕАА).
ПРИЈАВУВАЊЕ – Пријавувањето трае до 30 септември. За повеќе информации на следниов линк http://skopje.run/page5.html
ТРКИ – 10 км и штафетна трка 2 х 5 км (двајца тркачи трчаат по 5 км, ,секој штафетен тим треба да има уникатно име, а тимовите можат да бидат мешани, машки и женски).
ТИМСКИ НАТПРЕВАР – Дали трчате од некоја компанија, или можеби сте поголема група на пријатели? Пријави ја својата екипа за рангирање на екипен пласман на трката на 10км. Повеќе информации на http://skopje.run/page8.html
ПАТЕКА – Стартот на трката ќе биде на булеварот Илинденска, во близина на фонтана Лотус. На истото место ќе биде и целта на трката. Трката е кружна и ќе се трчаат 2 круга од 5км, по должина на булеварот Илинденска.
ВРЕМЕТРАЕЊЕ – Сите тркачи треба да ја завршат трката за 90 минути, после овој временски период ќе бидат замолени да ја напуштат патеката на трчање.
ПОДИГАЊЕ НА СТАРТНИ ПАКЕТИ – Стартните пакети ќе се подигаат на 5 и 6 октомври на ЕКСПО кое ќе се огранизира во Спортскиот центар “Борис Трајковски”
НАГРАДИ ЗА ТРКАТА НА 10КМ – Во трката на 10 км првите 5 места во машка и женска конкуренција ќе бидат парично наградени. Со дипломи ќе бидат наградени првите 3 места во следниве возрасни категории: од 35 до 44 год, од 45 до 54 год., и 55 + год.
НАГРАДИ ЗА ШТАФЕТНАТА ТРКА 2 Х 5 КМ – Во штафетната трка 2 х 5 км првите 3 места во сите категории (тим од 2 машки, тим од 2 женски, тим од 1 машко и 1 женско) ќе бидат наградени со пехари и дипломи.
КОТИЗАЦИЈА ЗА ТРКАТА НА 10 КМ.:
> до 31 јули 2018 – 400 ден.
> од 1 август до 10 септември 2018 – 450 ден.
> од 11 септември до 30 септември 2018 – 500 ден.
КОТИЗАЦИЈА ЗА ШТАФЕТНА ТРКА 2 х 5 КМ.:
> до 31 јули 2018 – 800 ден.
> од 1 август до 10 септември 2018 – 900 ден.
> од 11 септември до 30 септември 2018 – 1.000 ден.
НАПОМЕНА: Секој учесник ќе може да си купи dry-fit маица со логото на трката. Маицата можете да ја купите како дополнителен продукт (не е задолжителна и не е дел од стартниот пакет) при процесот на регистрацијата на www.smartrace.club. Цената на маицата е 400 ден. и ќе може да се купи до 10 септември, а 100 ден. Од секоја продадена маица 100 ден. ќе се донираат за децата од СОС Детско Село.