Пикантни јајца во тегла

12:00 - 06 Мај 2013

Една идеја повеќе за тоа што да правите со залихите од вашите велигденски јајца. Одличен рецепт што можете одложено да го конзумирате како пикантен додаток со останатите оброци. 

 
  • 15 јајца (во зависност од теглата)
  • 500мл јаболков оцет
  • 500мл вода
  • 1 лажичка крупна морска сол
  • 1 лажичка шеќер
  • 1 кесиче бибер во зрно
  • 1 лажичка цимет
  • 5-6 листови лорбер (дафинов лист)
  • лути пиперчиња или буковец 
 

Пoдготовка

1. Оцетот и водата со сите додатоци се доведуваат до точка на вриење, а потоа се тргаат малку настрана да оладат.

2. Варените јајца се лупат и нежно се редат во теглата.

3. Наредно се полеваат со малку разладената маринада.

4. Се конзумираат по 2-3 дена и се супер пикантни.

5. Ако не ги изедете сите, стојат и подолго време.