Две години по ред скијачите на тимот Европа и Америка се предизвикуваа во овој backcountry-slopestyle и big-mountain формат на натпреварување кое се одржуваше во Valle Nevado, Чиле и досега резултатот е нерешен, 1:1.

Оваа година купот е пренесен во импресионирачките предели на Швајцарските Алпи, покрај Матерхорн и Горнерграт и во периодот од 10 до 15 февруари двата тима на два наврати ќе се натпреваруваат за повеќе поени во нивните меѓусебни дуели и преземање на водството.

Тимовите се составени од по осум скијачи, а форматот на натпреварувањето е прилично едноставен. Преку ждреб се формираат парови кои ќе се натпреваруваат меѓусебно. Оној скијач кој ќе направи подобра целокупна вожња на падината добива еден поен за неговиот тим, а другиот нула. Сумираните поени на крајот го одлучуваат победничкиот тим на купот.

Жирито ќе биде составено од тројца искусни судии, Ben Murphy, Mike Rogge и Julien Reigner .

Еве ги и членовите на тимовите:

Тим Европа: Sverre Liliequist, Fabio Studer, Richard Permin, Markus Eder, Nico Vuignier, Sam Favret, Paddy Graham и Kaj Zackrisson како капетан.

Тим Америка: KC Deane, Rory Bushfield, Tim Dutton, Logan Imlach, Josh Daiek, Charley Ager, Greg Lindsey и капетанот Cody Townsend.