Секако, за правилна работа и добри резултати, потребно е познавање на некои основни поими и принципи во врска со вежбањето, исхраната и останати пропратни активности. Затоа да почнеме од почеток.

НЕШТО ОСНОВНО ЗА МУСКУЛИТЕ
Во човечкиот организам постојат три вида на мускули: скелетни (попречно пругасти), срцев мускул (миокард) и глатки мускули. Во случајов нас не интересираат скелетните мускули кои го сочинуваат човековиот локомоторен апарат.

Во човечкото тело има повеќе од 430 скелетни мускули. Тие го сочинуваат најмасивното ткиво во организмот и кај возрасен човек ова ткиво сочинува 30%-50% од вкупната маса на телото.
Што се однесува до составот на самото мускулно ткиво 75% е вода, а околу 20% протеини. Протеините се градбена материја така што нивната застапеност во исхраната е многу важна (особено во исхраната на бодибилдерите). Во мускулите се наоѓаат и јаглехидрати (гликоген, глукоза) кои се извор на енергија за работата на мускулите. Исто така, тука се и мастите околу 1% и неоргански соли.

Според видот условен од функцијата разликуваме едноставни и сложени мускули.
Според формата: вретенасти, квадратни, перасти и крузни.
Според групираноста, двоглави (бицепс), троглави (трицепс) или четвороглави (квадрицепс) мускули.

Секој мускул преоѓа преку еден или повеќе зглобови, па така разликуваме двозглобни и повеќезглобни мускули.

Мускул кој го извршува движењето се вика агонист. Во однос на тоа дали мускулот делува позитивно или негативно, т.е. во насока или спротивно на насоката на агонистот, мускулите се делат на: сингеристи (вршат движење во иста насока, т.е. му помагаат на агонистот), антагонист (вршат движење во спротивна насока).
Нивната синхронизираност овозмозува движењето да биде складно.

ТИПОВИ НА МУСКУЛНИ ВЛАКНА
Постојат повеќе типови на мускулни влакна. Генерално можат да се поделат на две групи: влакна на споро движење (тип 1) и влакна на брзо движење (тип 2).

Влакната од тип 1, т.е. на споро движење или црвени влакна, добиваат енергија за работа по аеробен пат (со согорување на енергија во присуство на кислород). Овие влакна се многу важни во долготрајни активности од типот на издржливост, од причина што се повеќе отпорни на замор. Конкретно во бодибилдингот овие влакна ќе ги стимулираме со тежина со кои можеме да направиме 12-20 повторувања.

Влакната од типот 2 или бели влакна, се одликуваат со покусо време на контракција од црвените, а енергијата за нивна работа се добива по анаеробен пат (без присуство на кислород). Заради тоа нивната работа трае покусо. Овие влакна се помалку отпорни на замор во однос на црвените. Стимулација на овие влакна постигнуваме во првиот дел на тренингот, со тежини со кои можеме да направиме 6-8 правилни повторувања.

ШТО Е ВСУШНОСТ ЗГОЛЕМУВАЊЕ НА МУСКУЛИТЕ?
Мускулите имаат голема способност да се адаптираат (анатомски и физиолошки) према физичката активност за која се ангажирани. На пример споредете ги активните спортисти од различни спортски дисциплини. Спринтери, маратонци, фудбалери, кошаркари…итн.

Нас овде конкретно не интересира да ги зголемиме нашите мускули. Од таа причина правиме активности кои ќе ни дадат таков ефект. Збориме за бодибилдингот.

Зголемувањето на мускулите се вика хипертрофија. Тоа зголемување настанува со зголемувањето на димензиите на мускулното влакно. Мускулот исто така може да се зголеми со хиперплазија, т.е. зголемување на бројот на мускулните влакна. Тој процес се одвива од раѓање па се до раното детство.

Со ББ тренинг се зголемува површината на просечниот пресек на мускулните влакна од тип 1 и 2. Влакната од тип 2 повеќе хипертрофираат, што го објаснува нивното поголемо ангажирање во ваквиот тип тренинзи. Во мускулните влакна на брзо движење (тип 2) се зголемува синтезата (создавање), а во мускулните влакна на споро движење се смалува разградувањето на протеините. Од таа прицина во тренингот мора да бидат застапени принципи кои стимулираат развој на двата типа на влакна (ете сега знаете зошто се употребуваат тактики како дроп серии).

Уште една битна работа кога е во прашње мускулниот раст е атрофијата (разградување) на мускулите, која треба да се сведе на минимум, што секако зависи од правилен тренинг и адекватна исхрана.