Австралискиот згиб е варијанта на класичниот згиб кој може да биде одлична замена или пак функционално дополнување во тренинг планот за сила. Одличен е за почетници, економичен е и може да се изведува речиси секаде. Сè што ви е потребно е една хоризонтална цевка или дрво, карики за гимнастика, ТРХ и така натаму.

За разлика од класичната варијанта, Австралискиот згиб е вежба која не се фокусира единствено на вашиот Latissimus dorsi (наjшириокиот мускул на грбот, веднаш под рамената), туку напротив функционално влијае на речиси сите мускули во овој дел од телото. Заради специфичната позиција во која телото се наоѓа за време на оваа вежба, активни ќе бидат и стомачните мускули, но и страчните стомачни мускули.

Значи, ако сте почетник оваа вежба ќе ви помогне да развиете сила во вашиот грб која ќе ви помогне и ќе ви го скрати времето за да го направите првиот класичен згиб, а доколку сте напредни а не го практикувате Австралискиот згиб, би требало да знаете дека истиот ќе направи да бидете покомплетни кога се во прашање грбните мускули и нивната сила за влечење од повеќе агли.

Како да ги изведувате

Ако позицијата на телото во која се наоѓате при правењето на Австралиските згибови ви е чудна и нејасна, пробајте да замислите движење кое е слично на веслањето.

• Легнете под шипката така што таа ќе се најде точно во проекција на вашите рамена. Фатете ја шипката од надворешна страна, дланките нека бидат поставени малку пошироко од рамената.
• Држете го телото и грбот комплетно исрпавени, а нозете нека бидат благо раширени. Рацете треба да ви бидат комплетно испружени.
• Издишете додека се кревате нагоре кон шипката. Градите треба да ја допрат истата. Задржете една до две секунди. Почнете да се спуштате.

Доколку процените дека немате доволно сила за да го кренете вашето тело од оваа позиција, слободно почнете од повисока точка па дури и исправена со благо навалување наназад.

Видео: