Причините за сè поголемата бројка на заљубеници во овој спорт се повеќе. За некои тоа се нестандардните должини на трките, за други висинското искачување, за трети дружбата и патувањето. Како и да е, она што дефинитивно ги поврзува сите љубители на овој спорт е престојот во природата и уникатната можност за спортување (трчање) во неа. Да се биде дел од една ваква трка значи да се биде во директен контакт со сите елементи и опкружувања кои природата може да ни ги даде.

Нашата земја не е исклучена од овој светски тренд и би можело да се каже дека планинското трчање влегува на голема врата. Доказ за тоа се се поголемиот број на луѓе кои активно се бават со овој спорт, нивните успеси надвор од нашата земја како и се поголемиот број на трки кои се организираат кај нас и во нашата околина.

Македонија е како створена за овој спорт. Големиот број на планини и нивната пристапност ја прават да биде совршена за сите оние вљубеници на природата и трчањето. Затоа би сакале да ве охрабриме и вие да се обидете во овој преубав спорт. Ви гарантираме дека ќе влетате во една заедница која ќе ве прими како свои.