Мусли – домашно подготвени
Овие мусли барови се лично производство, а вие ќе внесете своја оригиналност ако нешто додадете или одземете во состојките.
- 100г интегрално брашно
- 100г овесни снегулки
- 100г ореви
- 100г бадеми
- 50г кикирики
- 2 лажици мед
- 1 лажица лен
- 1 лажица сончоглед
- 1дл маслиново масло
- 100г суво грозје
- 50г сушен ананас
- 2 ванилин шеќер
- 1 лажиче цимет
- 2дл превриена топла вода
Подготовка
1. Крупните состојки се сецкаат или се мелат на крупно.
2. Потоа се додаваат и останатите состојки и смесата интензивно се меша.
3. Се распоредува во тепсија на готварска хартија и се натапкува до дебелина од еден прст.
4. Се пече на 180 степени околу 45 минути.
5. Додека е топла се сече на плочки (големина по желба), а потоа се остава да се оладат парчињата мусли.
6. Се чуваат во фрижидер.