Употребата на стаповите освен што ја тонизира мускулатурата на горниот трап, таа ги растеретува зглобовите на колената, колковите и кичмениот столб што е особено битно за повозрасната популација и рекреативците со поголема телесна тежина како превентивна мерка.

Рбетниот столб се растеретува и со помош на стаповите се одржува во правилна положба, особено препорачано после многучасовните пасивни седења. Одличен начин за регулирање на телесната тежина т.е. топење на масти, со што се зголемува капацитетот на срцевата и белодробната работа, а со тоа се регулира и крвниот притисок. Нема подобра превентивна мерка за остеопороза.

Опсежната телесна активност има и одлични ментални придобивки. Се зголемува прокрвеноста, меѓу другото, во фронталните мозочни регии со што се стимулираат и центрите за мислење (тренинг за ум). Зголемениот либиден статус е последица на долгите активности на слабинската и карличната мускулатура. Уреден психолошкиот статус преставен со одлично расположение и добар сон се нормална последователност.

Цикличните и ритмични движења со исправено тело со брзина од 6,5 км/час или 110-130 чекори/мин во минимална доза од три пати неделно од по 45-60 мин се препорака за добар ефект. Стаповите секогаш треба да се во паралелни движења со телото. Десниот стап треба да биде во ритам со левата петица и обратно. Препорачана должина на стаповите најдобро се пресметува со следната формула :

ТВ (телесна висина-цм) X 0,66 = ДОЛЖИНА НА СТАПОТ

ПРЕПОРАКИ

– Консултација барем со вашиот матичен доктор за односот на Вашиот здравствен профил со оваа спортска активност (дефинитивно оваа активност е со најмалку контраиндикации).
– Удобни спортски обувки.
– Прилагодена облека спрема временските услови.
– Носете со себе секогаш течност, доволно е вода.
– На секој 15 минути освежете се со барем една голтка течност.
– Најдобар тренинг е рано посабајле или рано навечер.
– Пешачењето во група е секогаш посигурна варијанта.
– Секогаш одберете ги природните подлоги за пешачење, а на крај и асфалтот.

За оваа спортска активност главна инвестиција е добра воља, а сето друго многу малку зависи од вашиот џеп.