Џит Кун До клубот The Strongest – Центар е создаден 2009тата година под водство на Бојан Попоски и Аце Брсакоски и во моментов брои околу 40 активни членови. Покрај главната Џит Кун До група во клубот има и посебни групи за ММА – мешани боречки вештини, БЏЏ – Бразилско Џиу Џитцу, како и Кик-Фит Аеробик и курс за самоодбрана на девојки.

Во продолжение нешто повеќе за тренингот претставен во видетото:

• Стандардно се започнува со малку загревање и раздвижување на телото, а потоа благи истегнувања сè со цел да се избегнат евентуални повреди.
   
• Првите неколку вежби на овој тренинг се динамични техники Бокс и Кик Бокс каде покрај загревањето на рацете, го загреваме и долниот дел од телото и нозете со конкретни движења и удари.
   
• Оружјето во Џит Кун До-то не се користат само како средства за борба, туку преку правилно користење се подобруваат многу карактеристики односно атрибути на борецот како брзина, сила, подобра механика и движење на телото, осетливост на окото и мозокот на многу брзи движења и сл.
  
  На ова видео се претставивме неколку основни техники со стап кои се одлични физички и кардио вежби за зајакнување на целото тело. Стапот во филипинските вештини се нарекува „ескрима” или „кали стап”.
   
• Во следните вежби е опфатен делот на улична борба со голи раце каде што се избегнуваат елементите „одбрана” и „блок” кој ги има главно во традиционалните вештини, и се прави пресретнување односно таканаречен „влез во противнички напад” што е всушност основниот принцип во Џит Кун До-то.
   
• Тренингот секогаш завршува со вежби за сила, издржливост и кондиција што е традиција во секој клуб за боречки вештини.