Овој господин не го прифатил популарното име на својот болен синдром од срам пред своите колеги, па итриот доктор веднаш му го решил “големиот” проблем и го нарекол синдром на ТЕНИСКИ ЛАКТ.

Латералниот епикондилитис е многу честа состојба и не е резервирана само за тенисерите и перачите на прозорци туку е присутна и кај фрлачите на копје, хокеарите, мечувалците, дактилографи, хирурзи, стоматолози и многу други. Во основа се работи за силни, монотони и долго употребувани потези на мускулите кои го оптоваруваат латералниот епикондил како место на нивниот припој.

Во секој случај овој синдром е најчест кај тенисерите поради спецификите на сервис ударот и бекендот, но и поради неправилни техники, несоодветен рекет како по големина така и по тежина, па дури и поради несоодветност во напнатоста на мрежата.

Во 75% од случаите се јавува на доминантната рака.

Тенискиот лакт (Tennis elbow) се манифестира со блага до интензивна болка во проекција на надворешниот епикондил која може да биде присутна и подолго време. Локалната болка, проследена со мускулна слабост се појавува при незначителни активности како подигање на шоља кафе, завртување на клучот на бравата или поздравување-ракување.

Примарно се престанува со активноста, се аплицираат студени облоги и се консултира ортопед или трауматолог за евентуална попрецизна дијагностика и терапија.

Мачните и долги какви не методи на лекувањето се доволна провокација за избор на добар тренер кој ќе ве научи како ефикасно да ги избегнете непријатностите на латералниот епикондилит.