За овие вежби не ви треба никаква опрема, па затоа можете да си ги пробате во секое време…

Треба да направите 3 серии по 20 повторувања, минимум 3 пати неделно. 

Имате на располагање 9 вежби кои додека ги моделираат вашите нозе и задник, воедно топат и многу калории.

Со нозете поставени пошироко од колковите, во скок наизменично ги вкрстувате нозете во ножички, а приземјувањето е на прсти (како на сликата). Добри се за задник, листови, бутини и стомачни мускули.

Од почетна позиција (како што е прикажано на сликата), експлозивно се подигате со скок, и се приземјувате во истата позиција само со другата нога напред. Така продолжувате со наизменично менување на страните.

Високо и наизменично подигајте ги нозете 4 пати нанапред (скип како на сликата), а потоа 4 пати зафрлајте ги кон задникот (трчање во место со високо зафрлање наназад).

Поставете ги нозете во ширина на рамената, а рацете испружете ги над главата. Додека наизменично ги подигате нозете (Кан Кан) со мал скок, ги спојувате (плеснувате) рацете под бутините (како на сликата). Добра е за задник, бутини и стомачни.

Почнувате со скок за брпи, а кога ќе се поставите во позиција на штица со испружени раце, наизменично ги подигате нозете (како што е прикажано на сликата) пред да се вратите во стоечка позиција и повторно да скокнете во место. Добра е за задник, бутини, рамо, стомачни и гради.

Со нозете поставени во ширина на колковите ја подигате едната нога (како на сликата), а потоа клекнувате во чучањ. Од таму се исправувате и ја подигате другата нога.

Во почетна позиција на исчекор (како на сликата)  брзо ја поткревате и движите предната нога лево десно (тапинг) додека целото време се задржувате во истата поза. Пожелно е сериите да ги поделите на двете нозе, бидејќи важно е да ги сработите и двете подеднакво. Добра е за задникот и бутините.

Во почетна позиција на длабок чучањ со стапалата раширени нанадвор  (како што е прикажано на сликата), експлозивно се подигате со скок во место, ги подигате рацете во вис, а се приземјувате на прсти.

Во почетна позиција на чучањ, експлозивно се подигате и во скок се вртите на десно (како што е прикажано на сликата) повторно се приземјувате во чучањ и го правите истото на другата страна.