Да ја расчистиме малку нејаснотијата околу дефинирањето на стомачните.

• Прво: Решете си ја исхраната, бидејќи во најголем процент таа е виновникот, намалете го процентот на масти во телот за да можат стомачните да „земат воздух“. Второ: инкорпорирајте високо-интензивно кардио за ги топите вишокот на сало, а како трето и нешто на што најмногу сега ќе се задржиме е варијациите кој ви се опција за да ги шокирате стомачните на поинаков начин. 

”Старите” стомачни подигања, без разлика во каква варијанта, дали на коса или рамна клупа или пак на постелка, ги активираат мускулите на абдоменот многу изолирано и најчесто во зависност од техниката на изведба, само концентрично. Овој тип на вежби го изоставува активирањето на другите мускули од абдоменот, и како последица, луѓето многу тешко ги добиваат саканите резултати (читај квадратчиња).

Всушност, тренингот за абдомен треба да биде и составен дел на вежбите за другите партии со што ќе ја активирате цела јадрена (core) мускулатура и нема да се загушите со изолираните вежби. 

Како додаток, за да се концентрирате само на абдомен имате неколку начини. Изометричните вежби Ви се одличен избор, овој  пристап земете го здраво за готово, а ние ќе ви пружиме уште неколку варијатнти кои во основата не се вежби за стомачни (освен тркалцето), но ја активираат цела абдомена мускулатура и даваат одлични резултати.

Чучањ 

Било каква варијанта на старото добро клекнување ќе придонесе за подобро да го извајате абдоменот, ако редовно го применувате. Вежбајте на класичниот начин (со слободна тежина) и ќе видите дека за стабилизирање на шипката ја употребувате мускулатурата на целото торзо.

Ролање на тркалце

Тркалцето сериозно може да ви ја активира core мускулатурата, само ако правилно го изведувате. Држете го грбот по целата должина исправен, стегнете го абдоменот и во никој случај не дозволувајте стомакот да ви запаѓа кон земја. 

Подигнување на вратило

Ако ви се верува, вратилот е всушност една од најдобрите вежби за торзото. Покрај тоа што во главно се концентрира на мускулите од грбот и рацете вежбата подеднакво добро го активира и долниот дел на трупот. Обидот да се задржи правилна постура додека се изведува вежбата ги активира и стомачните мускули. Поради фактот што за многу луѓе оваа вежба е прилично тешка, во голем дел од случаите таа е превидена како добар избор за абдоменот. Ако не сте во можност, почнете пополека, со асистирање од страна на партнерот, вежбајте на лат-машина и „веслање“, се` додека не стигнете на шипка каде ќе се подигате самите. 

Нишање на руско ѕвоно

Вежбава, особено со потешко ѕвоно е инзвонреден активирач на целото торзо. Добивате комбинација на силов тренинг и кардио кое гори калории и гради мускул, но внимавајте на формата. Држете ги градите и грбот исправени и секогаш концентрирајте го товарот низ петите. Лулањето на ѕвоното оди преку нозете и колковите, а не преку рацете, додека торзото е максимално контрахирано.