Во затворен простор, во двор пред зграда, јажето за скокање ќе ви ја дава таа слобода во тренингот што некогаш многу ја посакувате. Спортисти од калибарот на Kareem Abdul-Jabbar,  Arnold Schwarzenegger,  Michael Chang и многу други во своите кариери останаа верни на јажето за скокање во своите кондициски подготовки.

Зошто јаже?

Затоа што 10 минути тренингот со јаже во темпо од 120 скока во минута ќе согори ист број калории како и 30 минутен џогинг, доколку времето ви е недостаток, обидете се. Одличен е за загревање доколку работите силов или брзински тренинг, плиометриски скокови или едноставно сакате да направите партија баскет,  a воедно да го користите како помагало за стречинг.

Ако направиме листа за споредба помеѓу различни реквизити и помагала за тренинг,  јажето за скокање ќе биде победник во категориите: практичност, ефективност и цена.

Ако ви се допадне целата идеја, јажето да ви е како “добро утро”, бидете сигурни дека ќе постигнете одлична координација на телото, супер баланс (скокови на една нога) и брзина и агилност а најважно е што вашиот кардио васкуларен систем ќе го прифати секој следен предизвик многу полесно.

Совети

• Стапнете во средина на јажето и повлечете ги краевите нагоре, ако ги допираат вашите пазуви тогаш таа должина е онаа што ви одговара.
• Секогаш користете ја предната половина од стапалото како контактна површина

Краток тренинг од 10 минути

• скок обеножно во место : 3 x 30 сек. со пауза од  15 сек. и пауза меѓу серии 30 сек.
• скок обеножно во страна 3 x 30 сек. со пауза од 15 сек. и пауза меѓу серии 30 сек.
• скок со раздвоени нозе (Ali Shuffle) 3 x 30 сек. со пауза од 15 сек и пауза меѓу серии 30 сек.
• скок на една нога (другата е со флексија во колк) 3 x 5 сек. поединечно , пауза 10сек.
• скок на една нога странично (другата е со флексија во колк) 3 x 5. сек поединечно, пауза 10сек.
• скок згрчено со двете нозе 2 x 10 повторувања