Аеробикот во вода е одличен начин како да согорите некоја калорија повеќе и да ја тонирате вашата мускулатура која не секогаш е активна при пливањето, а притоа да не нанесете стрес на вашите зглобови. За да изведете ваков тип на тренинг потребен е базен со длабочина најмалку до појас и најмногу до пазувите. Ваквите активност се изведуваат и во подлабоки базени доколку имате соодветни помагала (пловки, појаси). Најчесто водениот аеробик се изведува во организирани групи. Но доколку ја немате таа можност пробајте сами неколку базични вежби во вода кој со сигурност ќе ви бидат од корист. 

Водата е одлична средина во која можете да изведувате најразлични форми, од аеробик до  рехабилитациски вежби за различни повреди и состојби. Особено корисна за оние лица која сакаат да се активни а притоа да не нанесат стрес на зглобовите, или доколку имаат некаква порвреда или хронична состојба на зглобните површини.  

Едно истражување издадено од JOSTP (Journal of Orthopaedic & Sports Physical Therapy)  ја потврдува позитивната страна на трчањето во вода и намалениот импакт врз телото во различни ниво на длабочина. Така што доколку длабочината на водата е до вашиот појас, импактот е намален за 40% а доколку е до градите тогаш е 50% помал. 

Но отпорот кој го создава водата е 12 пати поголем од оној на воздухот, со тоа движењата во вода ќе бидат како безмаклу да имате постојано тегови на вашите раце и нозе. Со тоа значително ќе ја активирате засегнатата мускулатура.

Едноставни движења во пролонгиран период можат да бидат доволни за да направите тренинг и да имате ефекти.  Различни удари и движења со рацете и нозете, потскокнувања, скипови се дел од она што можете да го искомбинирате за време на еден ваков тренинг

Пример:

• Трчање во место е одлично за почеток, бидете на длабочина до вашите гради исправете го телото и започнете, трчајте 2 минути во споро темпо и наредните 2 зголемете го интензитетот. Направете најмалку  4 серии од по 4 минути со промена на темпото.
• Ски трчање е вежба која е слична на трчањето во место која се изведува со испружени раце и нозе и активира дополнителна мускулатура.
• Скокање преку замислена пречка е исто така интересна вежба која можете да ја искористите.  Нивото на водата треба да е до гарадите а со помош на рацете обидете се да воспоставите баланс при скокањето кое можете да го искомбинирате во различни насоки. Направете неколку серии од по 2 минути.