таг / маратон

Додека сме во периодот на маратонската треска во доба кога сите ние сме опседнати со нашите „потреби” за којзнае каква опрема само за да отпочнеме со спортување, вредно е да се потсетиме на Абебе Бикила - Етиопјанецот кој успеа да постави светски олимписки рекорд во Рим трчајќи бос. 

Викендов напоредно со Скопскиот Маратон во Скопје, во Монца, Италија екипа елитни маратонци спонзорирани од Најк ќе се обидат (во контролирани) услови да ја срушат бариерата од 2 часа за маратон. Подоле следат некои експертски гледишта на проблематиката која моментално изгледа како апсолутно недостижна земајќи го фактот што моменталниот рекорд е скоро цели 3 минути „поспор”  од тоа.

Покрај илјадниците имиња, БИБ бројчиња и победници, оваа година бостонскиот маратон го трчаше и Катрин Свицер, една од најважните поборнички за женските права и еднаквост во атлетиката која во 1967 година успеа официјално да го истрча овој маратон и покрај забраната за учество на жени. 

Иако кратките и долгите атлетски дисциплини технички спаѓаат во една иста активност - трчање, тие драстично се разликуваат на еден куп полиња. Само тргнете од градбата на спринтерите во однос на онаа од маратонците и на сите ни е јасно дека нивните тела се вајаат за различни патеки, брзини и дистанци. Сепак, тоа не значи дека ефектите од тренинзите не може да се преклопуваат... 

На 19 февруари 2017 на маратонот во Севилја, Шпанија, 58-годишниот Стиви Смит успеа да заврши маратон за под 3 часа, поточно за 2:56:16 или со просечно време од 4:12 минути по километар. За Стиви трчањето на маратон со вакво темпо не е воопшто нова работа, но интересно е тоа што со овој резултат тој успеа да влезе во аналите на атлетичарските рекорди како човек што има направено најголема старостна разлика од неговиот прв официјален маратон истрчан за под три часа и овој сега - точно 40 години. Ако нешто не ви е јасно, тогаш прочитајте уште еднаш, потрчајте и размислете. 

Како ви зучи трчање на еден маратон дневно во текот на седум последователни денови на седум различни континенти? Ај што Маратонскиот светски предизвик измислен од Ричард Донован стекнува се поголема популарност, но и оваа година беше поставен екстремно силен просек од страна на американскиот маратонец Мајкл Вардиан кој постави нов рекорд на предизвикот.  

Искрено се радуваме на вакви моменти кога две души што живеат во духот на активниот живот се спојуваат и ја продолжуваат својата пасија заедно, уште посилни... Вечни да сте Искра Јовановска и Жан Тосев! Нека ви е со среќа заедничниот живот.

Оваа година „Баркли маратоните”, кои воедно се сметаат за едни од најтешките на планетава, успеаја да го видат својот 15ти финишер (а се одржуваат од 1985 година), но она што беше уште поинтересно беше неуспехот на вториот тркач - Гери Робинсон кој не успеа да заврши на време за само 6 секунди пред истекот на лимитот. Правила си се правила... 

Човекот кој маратоните ги трчаше во ретро патики од 70тите, тренираше сам на гробиштата близу неговата куќа и кој ни самиот не знаеше колку светски маратонски рекорди запечати во неговиот живот, оваа недела на негови 86 се отпиша од живите и се запиша во легендите. 

Кога стариот кардиолог и долгогодишен маратонец Д-р Бен Ронин налетал на натписите и студиите кои пред скоро време го извадија муабетот дека „премногу вежбање може да те убие”, тој решава да погледне нешто подетално во стапката на морталитет во неговиот стар тркачки клуб „Појадок” основан уште во 70-тите, кој се уште е активен и со доста стари членови над 70 години.

Во 2017 година промотoрки на Виз Ер Скопскиот маратон ќе бидат трите сестри близначки од Естонија, Леила, Лина и Лили Луик. 

FB Препораки