таг / интервју

Ана Богдановски е млада девојка, по потекло Македонка, која живее, се образува, спортува и професионално се надградува во САД. На Олимпијадата во Рио 2016 година го вееше македонското знаме и се натпреваруваше под боите на нашата држава. За подготовките вели дека сè се одвиваше според планот и е многу задоволна од своите резултати таму, што е уште еден поттик за постигнување поголеми резултати на наредната Олимпијада во Токио 2020 год. Весна Стојановска е нејзиниот пливачки идол, пливањето за неа е страст која нема старосна граница, а професионално би сакала да биде хирург ортопед.

Мартин Видоевски е магистер по Човечки ресурси, меѓутоа неговата моментална професија и животна преокупација ни најмалку не се поклопуваат со она за што се образувал.

Александра Уфцеска - параглајдеристка, силна жена која знае што сака во животот со свој став и одредена цел. Александра вели дека наградата е секогаш преубавиот поглед, патувањето низ воздухот, големото чувство на слобода и многу адреналин. Верувам дека многумина би сакале да видат како изгледа летање со параглајдер и за таа цел читателите имаат и кому да се обратат.

Александра И. Маленкоска на свои 10 години почнува да се натпреварува во веслање и освојување трофеи. Во 2007 год. на Светското првенство во Минхен го освојуваат 16.место во дубал скул.

Олимпијка од светски ранг која туку што започна да се искачува кон ѕвездените патеки. Оваа млада охриѓанка го има неколку пати обиколено светот постигнувајќи завидувачки резултати со својата стрелачка пушка под рака. Заради постигнатиот висок резултат со расипана пушка на Олимпијадата во Рио, од светски познатата компанија „Штаер" доби понуда за официјален презентер на истата, а воедно и нова пушка. Таа ниже успеси и дома и надвор, а на календарот на Федерацијата за 2017 нема ниту едно меѓународно натпреварување, ни за себе, ни за своите колеги. За ова треба да се зборува...

Така млади, а веќе со богата кариера на фаудбалските терени можат да се пофалат двете сестри Сијче и Наташа Андонови од Неготино. Започнувајќи со Тиквешанка, па потоа Македонскиот национален фудбалски тим, за од 2011 година да започнат европска кариера во Бундес лигата закитувајќи се со бројни трофеи и успеси. Поразговаравме со нив за родовите разлики во спортот кои би сакале да бидат еднаквости.

Лина Ѓорческа е тетовска убавица која во гладијаторски стил се бори на светските тениски терени и постигнува завидни резултати. Вели дека е горда на досегашните успеси и ветува уште многу подобри резултати од светските натпреварувања. Силно веруваме во нејзините способности и до некој нареден разговор и посакуваме многу успеси и искачени скалила на ВТА листата.

Сонот на младата пливачка Ана Јаневска се Олимписките игри во Токио 2020 година кои се на пат да станат реалност за неа со упорност и многу работа. Нејзиниот предизвик е да се покаже во најдобро светло на натпреварите каде што ја претставува својата земја, а инспирација и мотивација наоѓа во успешните приказни на врвните светски спортистки.

Средношколката Тијана Митрева од Кавадарци со својата квалитетна игра на кошаркарскиот терен заслужи место да игра и да се натпреварува за тимот Алгеро во Италија веќе втора година по ред. Реалноста за македонските кошаркарки во наши услови се далеку од розови, но секоја чест за младите девојки кои и покрај тоа се борат и успеваат да го добијат она за што напорно работат, бидејќи само со труд се остваруваат желбите.

Спортовите во природа континуирано стануваат се поатрактивни и привлечни активности за многу млади во Република Македонија, па сакајќи да дознаеме нешто повеќе околу алпинизмот и неговата можност за практикување во нашата држава решивме да поразговараме со Игор Талевски - претседател на Македонска Алпинистичка Федерација, долгогодишен алпинист и љубител на планините. Интервјуто беше направено во рамките на интернационалниот Аутдор Фестивал во Демир Капија кој се одржа ова лето. 

FB Препораки