1. ЗАПОЧНЕТЕ ГО ДЕНОТ СО ПОЈАДОК

Појадокот ќе го наполни вашиот празен резервоар после цела ноќ без храна. Ова ќе ви помогне да бидете подобри во училиште. Како пример за добар доручек што лесно може да го припремите е житарки со овошје и млеко со ниска масленост, или пак тост од интегрално лепче со путер од кикирики, јогурт со овошје, или можеби некое јајце на око.

2. ДВИЖЕТЕ СЕ

Лесно е да се вклучат физичките активности во вашиот секојдневен распоред. Размрдајте се 10 минути на секој час при читање, додека ја пишувате домашната, или гледате телевизија. Качувајте се по скалите наместо да го користите лифтот или ескалаторот додека одите на шопинг.

3. МАЛА УЖИНКА, ДОБРО ЌЕ ВИ ДОЈДЕ

Ужинката претставува одличен начин за да ја обновите енергијата. Изберете snack од различни групи на храна: чаша немасно млеко со интегрални крекери, јаболка во комбинација со путер од кикирики,или малку житарки. Повремено некое чипсче нема да наштети доколку останатите главни оброци се здрави.

4. МАЛКУ ПОТЕЊЕ НЕ Е НА ОДМЕТ

При енергични активности вашето дишење е забрзано и се потите. Истите го зајакнуваат срцето и помагаат тоа да работи поекономично, давајќи ви повеќе енергија и помагајќи да се чувствувате подобро. Започнете со загревање и истегнување на мускулите. Потоа вклучете 20 минутна аеробна активност како трчање, возење велосипед или танцување. Ова нека биде проследено со вежби за зајакнување, како чучнување, склекови, стомачни или вежби со совладување на надворешен отпор. И се разбира за крај следи релаксирање што треба да влучи лесно истегнување и длабоко дишење.

5. ИЗБАЛАНСИРАН ИЗБОР НА ХРАНА

Да се разбереме, не треба да ги отфрлите хамбургерите, сладоледите, пржените компирчиња за да се храните здраво. Треба само да водите сметка колку често на менито имате некои од предходните јадења. На вашето тело му се потребни разни нутриенти како протеини, јаглехидрати, масти и многу различни витамини и минерали (како витаминот Ц, Б, А, железо, калциум…) кои можат да се внесат преку различни видови на храна.

6. ФИТ СО ДРУШТВО

Вежбањето е секогаш поинтересно и полесно во друштво. Наговорете ги вашите другари или најблиски да ви се придружат во вашата физичка активност.

7. ВНЕСУВАЈТЕ ПОВЕЌЕ ЗРНЕСТА ХРАНА, ЗЕЛЕНЧУК И ОВОШЈЕ

Овој вид храна содржи јаглехидрати кои ќе ви дадат енергија, витамини минерали и растителни влакна. А покрај тоа, навистина се вкусни. Пробајте разни видови на интегрален леб, житарици или интегрални шпагети. Банана, портокали, јаболка се некои од многуте вкусни овошки. А што се однесува до зеленчукот, истиот јадете го свеж како дел од некој сендвич или салата.

8. БИДЕТЕ ДЕЛ ОД ПОНУДЕНИТЕ ФИЗИЧКИ АКТИВНОСТИ ВО УЧИЛИШТЕТО

Без разлика дали станува збор за часот по физичко воспитување или активнности во училишниот фудбалски или кошаркарски тим, ова ќе придонесе за подобрување на вашата општа физичка состојба.

9. ЗДРАВИОТ НАЧИН НА ИСХРАНА = PUZZLE

Храната е разнолика. Некоја може да има повеќе масти, шеќери или сол додека друга може има повеќе витамини и растителни влакна. Има место за сите овие видови на храна. Она што ја прави храната добра или лоша е тоа како се совпаѓаат сите овие видови на храна заедно. Балансирањето на вашиот избор е многу важен. Доста добро би се вклопило храна со низок процент на маснотии после висико калорична пица со кулен на пример! 😀 И не заборавајте ја количината. Доколку две парчиња пица ви се доволни, не посегнувајте по трето.

10. БИДЕТЕ КРЕАТИВНИ И НАПРАВЕТЕ СИ ЈА ЗДРАВАТА ИСХРАНА И ФИЗИЧКАТА АКТИВНОСТ

Вежбајте во друштво и јадете во друштво. Испробувајте нови спортови, предизвици како и рецепти. Поставете си реални цели, не обидувајте се да постигнете многу одеднаш. Заедно сте посилни и поситрајни!