Како родител или тренер одговорни сте да превземете соодветни мерки со што би спречиле „прегревање” кај децата додека вежбаат со тоа што ќе им обезбедите и ќе внимавате тие да внесуваат доволно течности.

Една од главните улоги на водата е да го лади телото. Додека вежбаме се активираат голем број на мускули чија температура постепено расте, а телото ја регулира истата преку потењето. Доколку детето не ја надокнади изгубената вода ќе дојде до дисбаланс на течности во организмот и може да дојде до дехидрација и како најлошо сценарио „прегревање” т.е. топлотен удар.

Како што споменав, важно е да се конзумират доволно течности пред, за време и после тренинг.

ПРЕД ТРЕНИНГ – пиењето течности пред тренинг ја намалува можноста или спречува дехидрација:

• 1 до два часа пред тренинг: 120-240 мл вода;
• 10 до 15 минути пред тренинг: 120-240 мл вода;
• Оброк што содржи доволна количина на вода (овошје).

ЗА ВРЕМЕ НА ТРЕНИНГ
• Мали голтки секои 15-20 минути од тренингот. Количината на течност зависи од временските услови, големината на детето и интензитетот на вежбањето;
• Дозволете му на детето да се напие вода секогаш кога ќе се почуствува жедно;
• Охрабрувајте ги децата да прават пауза за вода;
• Охрабрувајте ги да си носат сопствено шишенце и да не го делат со други деца;
• Sip don’t gulp! Голтка по голтка, без локање!

ПОСЛЕ ТРЕНИНГ – хидратација после тренинг е важна затоа што има за цел да помогне во надокнадување на изгубените течности за време на тренингот и со тоа помага за побрз опоравок на организмот;
• После тренинг внесете пијалок кој е избалансиран со протеини и јаглехидрати. Ако јас се прашувам, чоколадното млеко е идеално, а децата сигурно ќе го сакаат. Покрај тоа што ќе помогне во рехидратацијата, неговите протеини ќе помогнат за побрз опоравок на мускулите, а јаглехидратите ќе помогнат во рекуперација на гликогенските депоа кои се испразниле со вежбањето;
• Внесувањето на течности треба да продолжи и два часа по завршување на тренингот;
• Да се конзумира храна богата во вода.